Page Text
________________
अविधि-श्रामण्ये पद्मश्री-कथा ।
२२१ य-पावकम्म, पवड्डमाण-संवेग-समुच्छलिय-जीववि(वी)रियाण, समारोविय-खवगसेढीण, सुक्कझाणानल-निदव-घणघाइ-कम्भिधणाणं समुप्पन्नं वितिमिरं दिवमणंतं लोगालोग-पगासगं केवलनाणं । चलियासणा संता पत्ता तियसा । कया केवलि-महिमा । पुणो वि खविऊण भवोवग्गाहि-कम्म-चउक्कयं एगसमएण संपत्ता परमपदं ति । एताण वंसुब्भवस्स राइणो दोणि धृयाओ धिइ-मईनामाओ । ताओ पवहणारूढा समुद्द-मज्झेण , उज्जेतय-वंदणत्थं पयट्टाओ । वाणमंतरुप्पाएण(य) पवहणं दंडाहय-कुलाल-चकं व समुद्दमज्झे भमिउं पयत्तं । तओ मरण-भय-भीया लोगा खंद-रुद्द-चंद-सुगं(रिं)द-नागिंदाइणो विण्णविउं पयत्ता । धिइ-मईओ वि 'एस मरण-कालो' त्ति आलोयण-गरहण-निंदण-पुत्वयं भावओ परिचत्त-सयल-सावज-जोगाण पडिवण्ण-सामण्णाण पञ्चक्खाय-चउबिहाहाराण समुच्छलिय-सुहपरिणामाण समारोविय-सुक्कज्झाणाण समुप्पण्णं केवलं ॥ नाणं । भिण्णे पवहणे खविऊण भवोवग्गाहि-कम्म-चउक्कयं पत्ताओ नेवाणं । एगत्थ तीरे सरीराणि उच्छलियाणि । ताणं लवणसमुद्दाहिवइणा स-परियण-सुरेण महिमा कया । देवुजोओ य जाओ । तप्पभिई तं पभासाहिहाणं तित्थं जायं ति । अओ भण्णइ-जहा ताहिं आराहियं, तहा आराहेयवं ।
सुयदेवि-पसाएणं सुयाणुसारेण पंडु-तणुयाण । सिलु विसिट्ठ-चरियं निसुणेतो लहउ निवाणं ॥
अविहीए सामण्णं कयं पि अप्पफलं समक्खायं । गोवालि-सिस्सिणीए पउमसिरीए ब लोगम्मि ॥ ९५ [अविधिना श्रामण्यं कृतमप्यल्पफलं समाख्यातम् ।
गोपालि-शिष्यिण्या पद्मश्रियेव लोके ॥ ९५] गोपाल्याः शिष्यिणी गोपालि-शिष्यिणी तस्याः । कथमिदम् ?
- [१५२. अविधि-श्रामण्ये पद्मश्री-कथा]रायगिहे समोसरिओ तेलोक-दिवायरो वद्धमाणसामी । सेणिएण पुच्छिओ'भयवं! का एसा देवया ?, जा नट्टविहिं दाऊण गया । भगवया भणियं-'वाणारसीए नयरीए भद्दसेणनाम जुण्णसेट्टी। नंदसिरी से भारिया। ताण य कसिणभुयंगि । छ उबियणिजा, कागि व अणिट्ट-सद्दा, कवियच्छु-वेल्लि व अणिह-फासा, विट्ठ-रासि छ दुरहिगंधा, तालउड-विसलय व असुंदर-रसा पउमसिरी नाम धूय त्ति । अवि य
जम्मंतर-कय-पावा रूवाइ-गुणेहिं वजिया एसा । दिट्ठा जणेइ दुक्खं कयंत-मुत्ति व सोसि ॥ मयणानल-संतत्ता जं जं पत्थेइ मंगुलनरं पि। . नरयपुढवि व तेण वि मणसा वि न झायए कह वि ॥
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |