Page Text
________________
१८६
धर्मोपदेशमालायाम् केवली । पत्थुया धम्मकहा, छिण्णा संसया, संबुद्धा पाणिणो । तओ देवयाए भणिया खवगा- 'मए पुवमेव भणियं जहा हं भावखमगं वंदामि । तओ संवेग-सारं खवगा चिंतिउं पयत्ता- 'अहो ! अम्हाण तुच्छया, जेण पत्तो वि परमगुरु-दाविय-चारितनिही महाविग्घकारि-कसाय-डमरेहिंतो न व(य) भुत्तो' त्ति ।
"जं अजियं चीरत्तं देसूणाए वि पुनकोडीए ।
तं पि कसाइयमित्तो नासेइ नरो मुहुत्तेणं ॥" 'धण्णो य एसो खुड्डओ, जेण अम्हारिसेहिं जगडिजंतेणावि भाविय-जहड्डियतित्थयर-वयणेण बालेणावि साहियं नियय-कजं, विजिया रागादओ, खविओ कम्मरासी, तिण्णो भवोदही, अम्हेहिं पुण चिरकाल-दिक्खिएहिं वि वड्डियाणि संसार-महा" तरुणो मूलाई'ति । एवं ताण वि पसत्थ-झाण-दड-कम्मिधणाण उप्पण्णं केवलं ति । अवि य
"जं अण्णाणी कम्मं खवेद बयाहिं' वास-कोडीहिं ।
तं नाणी तिहिं गुत्तो खवेइ ऊसास-मित्तेणं ॥" कया तेसि पि देवेहिं केवलि-महिम त्ति । __पालिय-केवलि-परिया खविऊण भवोवग्गाहि-चउक्कयं । समासातिऊण सेलेसिं पत्ता पंच वि नेवाणं ति ॥ अओ भण्णइ-तवाओ खंती पहायणं ति (हाणत्ति)।
सुयदेवि-पसाएणं सुयाणुसारेण साहियं चरियं । खमग-सहियस्स कहियं निसुणंतो होइ गय-कोवो ॥
खुडग-कहाणयं 'समत्तं ॥ जाव न दुक्खं पत्तो न ताव धम्मं करेइ सुहि-पुरिसो । गंधव्वनागदत्तो दिटुंतो एत्थ नायबो ॥ ७५
[यावद् न दुःखं प्राप्तो न तावद् धर्म कुरुते [सुखी ] पुरुषः ।
__ गन्धर्वनागदत्तो दृष्टान्तोऽत्र ज्ञातव्यः ॥ ७५] ॥ ->[१०१. दुःखे धर्मकर्तृ-गन्धर्वनागदत्त-कथा]__पंचविहायार-रयस्स सूरिणो गच्छे दोनि साहुणो कय-संकेया गया सुरलोगं । ताणं एगो ठिइ-खएण चुओ संतो इहेव भरहवासे वसंतउरे नयरे इन्भ-घरिणीए नागदेवयाऽऽराहणाओ उववण्णो गब्भत्ताए । दिट्ठो य णाए दिवसयरो मुहेणोयरं पविसंतो। सहरिस-विबुद्धाए य पिसुणिओ भत्तुणो । तेण वि आणंदिया पहाण-पुत्तजम्मेण । .पडिस्सुयमिमीए । विसिट्ट-डोहलावूरणेण य बडिओ गम्भो । उचिय-काले य पसूया एसा । जाओ देवकुमारोवमो दारओ । बद्धाविओ इन्भो पियंकरियाए । दिण्णं से पारिओसियं । कयं वद्धावणयं । समइकंते य मासे कयं नाम नागदत्तो । पंचधाईलालिजमाणो हत्थाओ हत्थं धारिजमाणो, कीलाए सएहिं कीलिजमाणो, मणोरह-सएहिं ११. क. इं। २ ह. क. सं°। ३ ह. क. 4°। ४ क. लाएहिं
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |