________________
१७२
धर्मोपदेशमालायाम् दिया वि रागादिदोस-रहिता पसंसिजंति । ताण दिन्नं महाफलं, रागाइ-जुत्ताण पुणासुंदर-फलं ति । अवि य
दाणस्स नत्थि नासो आहम्मिय(ए) धम्मिए य दिण्णस्स । आहम्मिए अहम्मं धम्मं पुण धम्मिए होइ ॥" इय एवमाइ-बहुविह-वियप्प-सय-संकुलम्मि वायम्मि ।
सो चेल्लएण विजिओ विउसाणं मज्झयारम्मि ॥ तओ छिद्दावलोयण-परस्स संपत्तो वासारत्तो । उम्माहिओ विरहि-यणो, वियंभिओ सिसिर-मारुओ, वित्थरिओ घणय-वो, पणच्चिओ बरहि-गणो, हरिसिओ कासय-जणो, ठाण-डिओ पहिय-जणो, पणट्ठो चंदुजोओ, न विहरिओ मुणि-गणो त्ति ।
इय एरिस-घण-समए मुणीण कोवेण मग्गिओ राया । रज्जं सचिवेण दढं जागट्ठा कइवय-दिणाणि ॥ रज-ट्ठियम्मि सचिवे पत्ता सव्वे वि आसमा तत्थ । वद्धावया सहरिसा मुत्तूणं नवर जिणमुणिो ॥ संभरिय-पुत्व-वेरो हकारेऊण भणइ सो साहू । तुब्भे त्थ महापावा जे निंदह सव-पासंडे ॥ गुरुणा सो संलत्तो "न वयं पाव त्ति तह विहाणाओ। न य निंदामो वय(इ)णो राग-दोसाए विरहाओ ॥ नरनाह-कया रक्खा सत्वे वि(चि)य आसमा नियं धम्म । साहिति तेण राया धिप्पड़ तजणिय-धम्मेण ॥ तस्स महीए मुणिणो तकर-परचक-दुट्ठ-पुरिसेहिं । जणियं न मुणिति भयं तं नरवइणो महापुण्णं ॥ राय-परिपालियाणि ह सवाणि तवोवणाणि सुपसिद्धं । पूयाणि सामयाणि य सवाणि वि देवहरयाणि ॥ कुसुमाहरण-विलेवण-हवण-बलि-धूव-दीव-जुत्ताओ। निविग्घाओ निचं हवंति नरनाह-रक्खाए ॥ पालिंति सबलोगं नाएणं राइणो विसेसेण । दिय-समण-वुड्ड-जुबई-अणाह-सरणागय-परद्धे ॥ इय देव ! समण-बंभण-लोगाइण्णाणि पालयंतस्स । धम्म-निरयस्स इह इट्टे फलमिणमो राइणो होइ॥ रह-तुरि(र)य-चक्क-पाय(इ)क-मत्तमायंग-संग रजं । न(नि)द्वविय-सत्तु-तिमिरं जायइ सह निम्मल-जसेण ॥ वर-वत्थ-पाण-भोयण-तंबोल-विलेवणाइ-परिभोगो । गिरि-सिहरम्मि वि जायइ समयं नीसेस-रयणेहिं । गरुय-पओहर-झिज्झंत-मज्झ-वित्थिण्ण-गुरु-नियंबाओ । सरसारविंद-सरिसाणणाओ लडहाओ तरुणीओ ॥
Jain Education International
For Private & Personal Use Only
www.jainelibrary.org
