Page Text
________________
कालोचितक्रियायां केशिगणधर-कथा ।
१४१ इय एवंविहचित्तं(न्तं) सीसाणं जाणिऊण ते दो वि।
'मिच्छत्त-नासणत्थं संगम-चिंताउरा जाया ॥ तओ जेटुं' कुलमवेक्खमाणो अणेग-सीस-गण-परिवारो वुचंतो विजाहराईहिं संपढिओ गोयमो तिंदुगुजाणे भगवओ केसिगणहरस्म वंदण-वडियाए । भणियं च परममुणिणा
"गोयमो पडिवण्ण[रूवण्णू ]-सीस-संघ-समाउलो। जेटुं कुलमवेक्खंतो तिंदुगं वणमागओ।। केसी कुमारसमणो गोयमं दिस्समागयं ।
पडिरूवं पडिवत्तिं खिप्पं सो पडिवज्जइ ॥" तक्खणं च सीसेहि रयाउ निसेजाओ कय-जहारिह-विणयकम्मो गोयमो केसी यत्ति । 10
"केसी कुमार-समणे गोयमे य महायसे ।
दुहओ निसण्णा सोहंति चंद-सूर-सम-प्पभा ॥" तओ ताण भगवंताण समागमं सोऊण कोऊहल-विन्नाण-हेउं पूयाइ-दसणस्थमागया सवे पासंडिणो, गिहत्था, भवणवइ-वाणमंतर-जोइस-वेमाणिया[ण] य देवाणमणेगाउ कोडीउ त्ति ।
कुलगिरिणो विव धणियं उण्णयवंसा" सहति ते दो वि । निट्ठि(कृ)विय-मयण-पसरा गेविजय-तियस-संकासा ॥ जिय-विसय-राग-पसरा महानरिंद व विबुह-नर-महिया । गयणं व निरुवलेवा सकीसाण व जय-पयडा ॥ करिणो व दिण्ण-दाणा गय-केसरिणो व खरिय-मय-पसरा । रविणो व खविय-दोसा तरुणो विव सउण-गण-निलया ॥ साहिय-विज्जा नमि-विणमिणो व ससिणो व वड्डियाणंदा । मणिणु व दलिय-तिमिरा हरिणो व पसत्थ-सम्मत्ता ॥ दोन्नि वि अवसर(अइसय)-कलिया दोन्नि वि निय-तेय-तविय-दढ-पावा । दोन्नि वि तवसिरि-सहिया दोन्नि वि सिद्धीए गय-चित्ता ॥ दोनि वि गरुय-पयावा दोनि वि जिणवयण-नहयल-मियंका । दोन्नि वि वित्थरिय-जसा दोन्नि वि तियलोय-नय-चलणा॥ इय ते दोन्नि वि दिट्ठा तियसासुर-खयर-नर-गण-पहहिं।
दहव्व-दिट्ठ-सारा तेलोक्क-नमंसिया धीरा ॥ तओ तित्थाहिव-गणहरो त्ति काऊण सीसाईण बोहणत्थं सविणयं जाणमाणेणावि 30 पुच्छिओ गोयमसामी केसिगणहरेण पुव्वुत्त-संसर(ए)। गोयमेण भणियं- 'उसभसामि[तित्थ-साहुणो अचंतमुज(जु)य-जडा, वद्धमाणसामि-तित्थ-साहुणो पुण अच्चंतवक-जडा । अओ पुचिल्ल-साहूण दुविसोहओ, पच्छिमाण पुण दुरणुपालओ । इमिणा कारणेण दोण्हं पि पंचमहत्वयाइ-लक्खणो । मज्झिम-जिण-तित्थसाहुणो पुण उजुया
१ क. ज. ofछ । २ क. जेत्थ । ३ क. न। ४ क. °ओ। ५क. °ता त°। ६ क. दुविसोहि ।
25
Jain Education International
www.jainelibrary.org
For Private & Personal Use Only
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |