Page Text
________________
सनिदाने तपसि त्रिपृष्ठवासुदेव-कथा । पप्फुल्ल-वियड-केसर-मयरंदुद्दाम-कुसुम-सोहिल्लो ।
निवत्तिय-सुरय-सुहो सहइ वसंतो वसंतो व ॥ तओ निग्गओ' कुमारो नयराओ, ठिओ नंदणवण-संकासे पुप्फकरंडए उजाणे । तस्थाभिरमंतस्स समइकंतो वसंतूसवो । अण्णया नरनाह-महादेवि-चेडीए दट्टण जुवराय-सुअं रमंतं भणिया महादेवी- 'सामिणि ! रजं परमत्थओ' जुवराय-सुयस्स, 6 जो पुप्फकरंडयत्थो देवो व विचित्त-कीडाहिं रमइ । ता जइ ते सुओ' तत्थ न रमइ, ता निरत्थयं रजं मन्नामि' । तओ' ईसानल-तविया पविट्ठा महादेवी कोव-हरियं । मुणिय-वुत्तंतेण य भणिया राइणा-'पिए! न एस अम्हाण कुल-कमो, जमणंमि पुत्रपविढे अण्णो वि पविस्सइ । तीए भणियं- 'जइ एवं, ता अवस्सं मए अप्पा मारेयहो। अवि य-दइया-वयणम्मि कए कुल-ववएसो न पालिओ' होइ ।
कुल-ववएसंमि कए न जियइ दइय त्ति य विसण्णो ॥ तओ' भणियं मंतिणा- 'देव ! कूडलेह-वएसेणं तर(इ) सत्तणं उवरि जत्ताए निग्गए जुवराज-सुयम्मि रणुच्छाहे निग्गए तुह सुयस्स उजाणे पवेसो भविस्सई' । तहा कए गओ पचंत-राईण उवरि जुवराय-सुओ । सच्चविया निरुवद्दवा देसा, ठिया आणा-परा पञ्चंत-राइणो । खेमं ति मण्णमाणो पडिनियत्तो, कमेण य पत्तो रायगिहं, पुप्फकरंडए 15 य पविसमाणो भणिओ दुवारपालेहिं - 'मा पविससु, राय-सुओ' एत्थ रमतो चिट्ठई' 'अहो! इमिणा पवंचेण नीणिओ म्हि' ति । अपि च
"उपकारिणि विश्रब्धे आर्यजने यः समाचरति पापम् ।
तं जनमसत्य-संधि(धं) भगवति वसुधे ! कथं वहसि ? ॥" 'ता किं जुगंत-पवणो व तरुणो उम्मूलेमि सवे ?, अहवा न जुत्तमिणमो तुच्छ- 20 विसयाण कए' । तओ फल-भर-नमियाए कविट्ठीए मुट्ठि-पहारेण पाडियाणि सवाणि फलाणि । भणियं च णेण- 'एवं चिय ते सीसाणि पाडिउं समत्थो म्हि' । ता किमणेहिं सारीर-माणस-दुक्ख-निबंधणेहिं भोगेहिं ? ति वेरग्ग-मग्गावडिओ गओ संभूय-साहुणो समीवं । तेण वि समाइट्ठो साहु-धम्मो, पडिवण्णो भाव-सारं । भणियं च गेण- 'जावजीवाए मासाओ मासाओ भोत्तबो' । एवं च अणाहारेण तव-तविय- 25 देहो गओ महुराए । पविठ्ठो भिक्खट्टा मास-पारणए । पसूय-तं(ग)वा पणोल्लियं पडियं दहण माउल-धूया-वारेजय-निमित्तमागयस्स विसाहनंदिणो पुरिसेहिं को कलयलो इमं भणंतेहिं- 'कत्थ तं कविट्ठ-फल-पाडण-बलं' । मुणिय-वुत्तो य विसाहनंदी हसिउमाढत्तो । 'अञ्ज वि एसो कय-पावकम्मो ममोवरि वेराणुबंधमुवेइ !' ति चिंतितेंण विप्फुरिय-कोवानलेण सिंगग्गेहिं घेत्तूण भामिया सुरही साहुणा, भणिओ य० विसाहनंदी- 'अरे दुरायार ! न दुब्बलस्स वि केसरिणो गोमाऊएहिं बलं खंडिआई' । अहिंडिय-भिक्खो पडिनियत्तो कय-भत्त-परिचागेण य कयं नियाण- 'मणुयत्ते तवफलेण महाबल-परक्कमो होजा' । मओ य समाणो उप्पण्णो महासुके । मुणिय-पुछ
१ ज. °उ। २ ह. क. ज. परि ।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |