________________
११४
धर्मोपदेशमालायाम् दिट्ठो तेण गिलाणो सो वि य खर-फरुस-निहुर-गिराहि । खिसेइ नंदिसेणं सो वि य तं सहइ चिंतंतो ।। रोग-वसेणं जंपइ एसो फरुसाणि कह णु एयस्स? । रोगाभावो होजा? केण वि(व) दव्वेण दिन्नेण? ॥ धोऊणं तं जंपइ 'वसहिमागच्छ, जेण भे किरियं । कारेमो' सो जंपइ 'गंतुं न चएमि, ता खंधे ॥ नियए ठवेसु' ताहे खंधारूढेण जाइ सो तेण । मुंचइ य सो गिलाणो तदुवरि दुग्गंध-विट्ठाइ । आ पाव ! वेग-घाओ कओ तए मज्झ गच्छमाणेण । ता विसम मुहुत्तं' अइ ! एवं जंपइ गिलाणो ॥ वीसमिऊण पुणरवि सणियं तं 'णेइ खंधमारूढो । सो वि य बहुप्पयारं निट्ठर-वयणेहिं तं सवइ । सुरसेलो विव जाहे न चालिओ सो सुरेण धम्माओ । निय-मायं संहरिउं पडिय पाएसु से देवो ॥ 'खमसु महारिसि! जं ते हरिणो वयणमसद्दहंतेण । पडिकूलं आयरियं खंति-पहाणा मुणी होंति ॥ तं चिय एत्थ कयत्थो निय-कुल-गयणस्स पुन्निमा-इंदो। तं चिय निम्मल-निय-जस-संछाइय-तिहुयणाभोगो ॥ तं चिय महरिसि! बंभो अइदुद्धर-बंभ-पालणाहिंतो। जंतूणं सुह-करणो होसि फुडं संकरो तं सि ।। पुरिसाण मुत्तिमन्तो तं चिय पुरिसोत्तमो समक्खाओ । परमीसरियाइ तहा इंदो वि तुम नु(न) संदेहो । वयण-किरणावबोहिय-भव्य-महाकमल-संड-निवहाओ। तं चिय जयम्मि सूरो निट्ठिय-दोसाउ तह चेव ॥ तव-करणाओ तं चिय सोमो विउसेहिं नणु समक्खाओ । गरुय-पयत्ताउ जई मुणी वि मुणणाउ भवणस्स ॥ कम्म-मलं खु खवेंतो खमणो तं चेव तह य समणो वि । तव-खेदे वटुंतो गय-रागो राग-विरहाओ॥ सयल-जण बोहणाओ बुद्धो तं चेव तह य मज्झत्थो । रागाईणमभावा कारुणिओ करुण-भावाओ ॥ इय एवमाय(इ)-बहुविह-जहत्थ-नामेहिं तं मुणिं थोडं । निय-ठाणं संपत्तो देवो तह नंदिसेणो य ॥ साहहिं पुच्छिओ सो 'कत्थ गिलाणो?' ति तेण वि पवंचो।
सवेसि परिकहिओ जहा कओ तेण देवेण ॥ १.क. दूर्त। २ क. नेइ। ३ क. त° ।
For Private & Personal Use Only
Jain Education International
www.jainelibrary.org
