Page Text
________________
यत्यनुकम्पायां वैतरणिवैद्य - कथा ।
कंवलरयणं गोसीस - चंदणं सय-सहस्स - पागं च । एतेहिं तत्थ कजं तेल्लं मम अत्थि सेसाणि ॥ मोलणं गिण्हामो दोलक्खे गिव्हिऊण ते पत्ता । वुड-वणिणो समीवं सो जंपइ - 'भणह, किं करिमो ?' ॥ कंबलरयणं गोसीस - चंदणं देसु दोहि लक्खेहिं । सो पुच्छर - 'किं काहिह ?' भणियमिणं तेहिं - 'मुणि-किरियं ॥' 'अवो ! धन्ना एते जाण समत्थाण जोणत्थाण ।
धम्म चिय गरुय - मई, मम पुण मरणे वि सा नट्ठा ॥' इय भाविऊण तेणं ते भणिया- 'कुणह साहुणो किरियं घेतूण ओसहायं धम्मो चिय होउ मे मोल्लं ॥ दाऊण ओसहं सो सामन्नं पालिऊण संपत्तो । निवाणं ते वि गया सओसहा साहु मूलंमि || अब्भंगिऊण पढमं कंबलरयणेण पाउओ' पच्छा । चंदण - रसेण सितो' एक्केकं तिनि वाराओ' ॥
रोहिणि-मूली कणय-निभं तं मुणिं करेऊण । संपत्त-तिवग्ग - सुहा संपन्ना अच्चुए कप्पे ॥ इय संखेवेण इमं विजाइ- सुयाण साहियं चरिअं । वित्थरओ भणियमिणं उवएसमाल-वक्खाणे ॥
॥ वेजाइसुय - क्खाणयं समत्तं ॥
*
Jain Education International
१६. ज. उ । २ ह. क. सित्थो ।
६० ११
[ २७. यत्यनुकम्पायां वैतरणिवैद्य-कथा ]
1
बारवईए नगरीए बलदेव - वासुदेव-रायाणो | ताणं च महारंभ - परिग्गहा दोनि पहाण-विजा धन्नंतरी वेयरणी । धन्नंतरी साहूहिं पुच्छिओ साहु-पाओ' ग्गाणि मज - मंसाईण (णि) उवइसइ । साहूहिं भणिओ - अब्भक्खमेयं जईण । तेण भणियं - 'किं मए समणगाणं कए वेज्जय महीयं ?' । वेयरणी पुण साहु- पाओग्गाणि फासुयाणि कहेइ, नियदवं च देइति । अन्नया समोसरिओ तिलोक्क-चूडामणी अरिट्ठनेमी । पुच्छिओ' कण्हेण - 'भयवं ! एते महारंभ - परिग्गहा अणेगाणं पशु-पक्खीणं मारण हेउणो कत्तो उववजिस्सन्ति ?' | भगवया भणियं - एस धन्नंतरी अभवो मओ समाणो सत्तम - पुढवीए नरयंमि । वेयरणी पुण कालिंजर वत्तिणी [ ए ] गंगाए महानईए वंज्झ ( विंझ ) स्स य अंतराले वानरो भविस्सs | संपत्त-वयसो य सयमेव जूहं पडिवजिऊण साहु-सत्थेण सह कहकह-विमुकं मुणिय- जिण-वयणं सल्लिय-चरणं रुक्खासन्न - थंडिल-गयं वेपणा - " णि(भि) भूयं साहुं दट्ठूण सुमरिय- जाइस्सरणो तक्खण-पवयाणिय-सल्लोद्धरणि-संरोहणि-मूलीहिं तं पनवेऊण कय- भत्त-परिचाओ पंच- नमोकार - परो सहस्सारे उववजेहि त्ति । कालंतरेण एवं कए उववन्नो सो तत्थ वानरो त्ति ।
३ ह. क. ज. सम्म ।
६
८१
For Private & Personal Use Only
10
15
25
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |