Nammayasundari Kaha

SR No.: 002782
Original Sutra Author: Mahendrasuri
Author: Pratibha Trivedi
Publisher: Singhi Jain Shastra Shiksha Pith Mumbai
Publication Year: 1948
Total Pages: 142
Language: Sanskrit, Hindi
Classification: Book_Devnagari & Literature
File Size: 8 MB

Page 99

नम्मयासुंदरीए कूवचन्द्रगामं पइ विहरणं । [९७४-९७७ ] सोऊण जाया सोआउरा रिसिदत्ता, रोयमाणी कहकह वि धीरविया सयणवग्गेण । तह वि तीए माणाइसएण न जाणाविओ एस वइयरो जणयगिहे । महेसरदत्तो वि कयकलत्तंतरसंगहो अपरिचत्तंसावगधम्मो नम्मयासुंदरिकारियचेइए पूयणवंदणाइ कुणमाणो चेट्टइ । परोप्परगमणागमणीभावाओ कूवचंद्रे नयरे न केणावि विनायं नम्मयासुंदरीए आगमणं' पञ्चयणं वा । एवं च काले वच्चमाणे अन्नया पवत्तिणीए सामच्छियाओ साहुणीओ- 'जइ भे रोयई ता कूवचंद्रेण विहारं करेमो ।' ताहिं भणियं - 'भयवई पमाणं ।' 'तो खाई तुम्मे तत्थ गयाओ मम नाम मा [प. ३१ । ] कहेअर्ह, “पवत्तिणी पवत्तिणी"
वा अहं भाणियवा जओ अन्नायउंच्छमे( से ? )वाए मे वन्नेह किं नामविक्क10 एणं ?" तओ 'जमाणवेहि' त्ति परिवारेण वुत्ते सुहविहारेण पत्ता तत्थ । दट्ठण वंदियाओ महेसरदत्तेण, दिन्नो नियगिहास[न्ने] उवस्सओ । ठियाओ तत्थ वंदियाओ भत्तिसारं । रिसिदत्ताए दंसियाई चेइयाई, कयमुकंठियाए पवत्तिणीए विसेसेण वंदणं । विहिया विहाणेण धम्मदेसणा, आणंदिओ सावियावग्गो । एवमन्नायचरियाए विहरमाणीओ सज्झायंतीओ चेट्ठति । तत्थ 15 महेसरदत्तो वि तासिं किरियाकलावाणुरंजियमणो तासि सज्झायझुणिमेगचित्तो निसामेइ, विसेसओ पवत्तिणीए । चिंतई 'नम्मयसुंदरिसरिच्छो एसँ [स]दो । नूणमेसा तीसे माउच्छा माउच्छीदुहि[या] वा भविस्सइ । कहमनहा सद्दसमाणत्तं?' ति । अनया कयाइ पवत्तिणी" महुरवाणीए सरमंडलपगरणं परावत्तिउं पवत्ता । अवि य
'सो जयउ जिणवरिंदो जस्स मुहा म(पु)न्नचंदविंबाओ । जरमरणवाहिहरणं सिद्धंतमहामयं झरियं ।
९७४ जयइ सरमंडलं तं जेणिह पढिएण बुद्धिमन्तेहिं । पुरिसाण महेलाण य गुणा य दोसा य नजंति ॥ सत्त सरा पन्नत्ता सज्जो रिसहो तहेव गंधारो। मज्झिम पंचम रेवय नेसाओ सत्तमो होइ॥
९७६ सत्त [स]रहाणाई तत्थ य सजं तु अग्गजीहाए । रिसभं उरेण कण्ठेणं तइययं नीसवेइ सरं ।। ९७७
25
१°चत्ता'. २ गमणीभा'. ३ आगमण, ४ रोवह. ५ भयवइ. ७ वत्तिणी. ८ भन्नायं. ९ वंसियाई. १० एवं'. ११ विरहमा'. १३ चिंतय, १४ पस. १५ वत्तिणी. १६ साजा. १७ मजं. १८ कण्हेण.
६ कहेजहा. १२ °सुणि.