Page Text
________________
३२०
महेसरदत्तनम्मयासुंदरीण जवणदीवं पइ पयाणं । [३१८-३२५] भणइ महेसरदत्तो- 'सुंदरि'! अचंतभीसणो जलही। तेण तुमए समाणं गमणं न हु [जु]जए काउं॥ ३१८ मा कुण बालग्गाहं मह भणियं सुयणु ! सबहा कुणसु । आणाकारि कलत्तं सलहिजई लोयमज्झम्मि ॥ ३१९ निच्छयनिवारणत्तं आयनिय नम्मया तह परुन्ना। जह निडरो वि भत्ता जाओ करुणापरो धणियं ॥ भणइ य पुणो वि- 'सुंदरि ! रोयसि तं कीस तुह दुहभएण । अहमाइसामि एवं मा मनसु कारणं अन्नं ॥'
३२१ सा साहुसावभीया विरहं दइएण सह अणिच्छंती। 10 . भणइ- 'सुहं दुक्खं वा तुमए सहिया सहिस्सामि ॥ ३२२
अहवा चिट्ट गिहे चिये अहवा में नेहि अप्पणा सद्धिं । जइ ता जीवंतीए पुणो वि मिलियाइ तुह कजं ॥ ३२३ विनायनिच्छयं तो अणुणेत्ता नम्मयं महुरवयणं । भणइ महेसरदत्तो- 'तं काहं जंपियं तुज्झ ॥' ३२४
सो नम्मयाइ सहिओ सहिओ मेत्तेहिं एगचित्तेहिं । 15
भडचडयरेण गुरुणा पत्तो सरिनम्मयाकूलं ॥ ३२५ तत्थ य पत्तेहिं संजत्तियाई पव[ह]णाई आयामेण वित्थरेणावि पावंचासहत्थपमाणाई, मुणिकुलाई व परिहरियलोहाई पहाणगुणसंजमपगिट्टकट्ठाहिद्वियाइं च, चित्तकम्माइं पिव सुनिम्मायविचित्तभूमिभागाइं बहुवन्नरूवयसंग. याई च । कओ तेसु बहुकालजोग्गजलधणधन्नाइसंगहो, निबद्धा चउसु पि
दिसासु नंगरा, पवेसियाई च पसत्थवासरे गंभीरनीरे पोयपवेसठाणे । आरूढा नियनियजाणवत्तेसु संजत्तिया । महेसरदत्तो वि समारूढो सह पिययमाए विसेसरमणिज्जे उवरिमभूमिविरइए वासमंदिरे । तो कुसलनिजामगकन्नधारेहि पावियऽणुकूलपवणप्पयारेहिं विमज्जियाई पवेसियाइं च महासमुदं जाणवत्ताई। कत्थइ गिरिसिहरायमाणमहल्लंकल्लोलेहिं गयणाभिमुहं निजमाणाई, अन्नत्थ विलीयमाणेहिं तेहिं चेव पायालं पिव पवेसिज प. १२ A ]माणाई, खलिजमाणाई महामच्छेहि, पेल्लिजमाणाई जलहत्थिमत्थएहिं, आहम्ममाणाई मगरनकपुच्छच्छडाहिं, विलग्गमाणाई विड्डमवणगहणेसु, उप्पयमाणाई पिव पवणुद्धयसेयवडेहिं गयाइं अणेगाई जोयणसयाई । तओ नम्मयासुंदरी[ए] भणियं- 'सामि ! अचंतभीसणो एस समुद्दो तेण जिणसासणे संसारउवमाणं
१ सुदरि. २ सलहेजइ. ३ आइन्निय. ४ दुट्ठभाएण. ५ विय. ६ गुरुणो. ७°चाहसस्थ. ... रमणेजे. ९ महल्लि. १० विलिगा. ११ बिडम'.
Jain Education International
For Private & Personal Use Only
www.jainelibrary.org
| SR No. | 002782 |
| Book Title | Nammayasundari Kaha |
| Original Sutra Author | Mahendrasuri |
| Author | Pratibha Trivedi |
| Publisher | Singhi Jain Shastra Shiksha Pith Mumbai |
| Publication Year | 1948 |
| Total Pages | 142 |
| Language | Sanskrit, Hindi |
| Classification | Book_Devnagari & Literature |
| File Size | 8 MB |