Page Text
________________
[१७६]
द्वितीयं जिनदत्ताख्यानम् । 'जाणेइ अम्ह भत्तुणो चरियाई, न उण एस' त्ति । तओ फेडिया जिणयत्तेण एगा गुलिया । अवगयं से वामणत्तणयं । जायं सिरिमति-अंगारमती [@] पथमित्राणं । उठ्ठियाओ ससंभंताओ, निवडियाओ चलणेसु । भणियं च'सामि! अम्ह एस भत्तारो।' तओ हरिसिओ राया। समवसरियाओ कुमारीजो पडिवभाओ तेणं । निसण्णाओ तस्सासण्णे। विमलमतीए भणियं - 'ममावि भत्तुणो घडइ सबमेयस्स. सत्ति (किं तु ?) वण्णेण विसंवओ' त्ति । तओ कहिओ बुरंतो । समप्पिया सिरिमती-विमलमतीओ राइणा (णो)। उप्पइयाइं दो वि [प० २३.१] जिणयत्तो अंगारवती आगासेणं वेयड्ढे । कहिओ वुत्तंतो असोगसिरिणो अंगारवतीए। ता संस(प?)यं फेडेह एस(य)वनपरावत्तं । ता पञ्चक्खी हो (हू) ओ । तओ हरिसवसुभिन्नपुलइओ उढिओ आसणाओ। पयट्टो पहाणपरियणसमेओ । सिंघलनयराओ मज्झेण पुहविसेहरं गयणेणं घेत्तूण आगओ चंपं । अन्भुडिओ राइणा । कओ महंतो यारो असोगसिरी-पुहविसेहरमहारायाणं । फेडिय(या) वण्णपरावत्तिणी जिणयत्तेण गुलिया। तओ तं उत्तत्तकणयसप्पहं उइयमिव सहस्सकिरणं रविं, कामदेवं व स्वगुणगारवग्यवियं विभिया सवे विजाहरा राया का(रा)यकुमारा य । पडिवनो सओसं विमलमईए । चिंतियं च
तुह विरहतावियंगं सुसह य जलवजियं व आरोप्पं ।
दंसणजलेण सिंचह ओहुंचइ जेण संतावं ॥ इ(त?)ओ य राइणा कभाए कओ महापमोएणं विवाहो । पूजिऊण विजाहरचकवट्टी गओ सनयरं । बहुमभिओ पुहतिसेहरो राइणा । पराणीओ कुमारेणं, पच्छा कइवि दियहेहि अंगारवतीए सह नयरं । राइणा कओ महासामंतो । पसाहियाई रजंतराइं । अच्छए ताण समं अउच्चविसयसुहमणुहवंतो । [प० २३.२] वद्धाविओ जीवदेवसेट्ठी । पेसियाओ छप्पनकोडीओ कुमारेण ।
- जिनदत्तस्य खगृहे पुनर्गमनम् । - पच्छा कइवयदियहेहिं चउभारियासमेओ महया पड(रि ?)यरेणं गओ वसंतपुरम्मि जिणयत्तो । तओ महाविभूईए पविट्ठो सगिहं । समाइच्छिओ पिउणा बहुमनिओ । निग्गया गिहाभिंतराओ जणणी । तओ सुयसिणेहेण पभूयकालदसणेण य रोविउं पयत्ता । समासासिया जिणयत्तेण । तओ ताए समाइच्छिऊण अग्घाइओ उचमंता(गे)। कयं च वद्धावणयं जीवदेवेण । पवत्तियं महादाणं । कारावियाओ पूयाओ जिणाययणेसु । एवं सुहंसुहेण वच्चए कालो। समुप्पन्ना जिणयत्तस्स चउण्हं पि भारियाणं पुत्ता ।
Jain Education International
For Private & Personal Use Only
www.jainelibrary.org
| SR No. | 002776 |
| Book Title | Jindattakhyana Dwaya |
| Original Sutra Author | Sumtisuri |
| Author | Amrutlal Bhojak |
| Publisher | Singhi Jain Shastra Shiksha Pith Mumbai |
| Publication Year | 1953 |
| Total Pages | 122 |
| Language | Sanskrit, Hindi |
| Classification | Book_Devnagari & Literature |
| File Size | 7 MB |