Page Text
________________
[१२६-१३०] . द्वितीयं जिनदत्ताख्यानम् ।
ता काऊण सादं छम्मेण केणावि ओयरेयई । ततो बहुविहं आलोइऊण भणियं-'ता जइ एवं तुह निबंधो, को तुमं मोत्तण मम सरणं ? किंतु पडिक्खसु जाव छम्मासं, जाव तस्सेव नामेण करणगाइं करेमि ।' तओ तेण भणियं- 'एवं ति । इओ य उत्तरदिणेसु पयडियं तीए पुप्फवइत्तणं । ताव पत्तो तीरं बोहित्थो । उत्तरिया य समुद्दाओ । आढत्तं वद्धावणयं जाव गओ सेट्टी कोसिल्लियादि घेत्तूण राइणो दंसणत्थं । दिन्नं च कम्माराणं पि य नियनियं तओ दवं । पमत्तमत्ताणं सबाण वि न्हाणच्छलेण निययदासचेडीसहिया निययाहरणं पहाणयरं च महारायदिन्नं दविणं च घेत्तूण निग्गया सणियसणियं । गया गामतरं । दिट्ठो तत्थ आवासिओ सत्थो । ठिया [प० १५. २ ] तत्थ सत्थवाहं पुच्छिय । पयट्टा तेण समं, जाव पत्ता चंपं ति । जाव कम्मधम्मसंजोएण दिट्ठा । विहरमाणसाहुणीओ । तओ ताओ पेच्छिऊण चिंतियं- एयाओ ताओ जाण संतियं नेवच्छं अअउत्तेण दंसियं आसि, बहुमयाओ अजउत्तस्स, ता एयाण सगासं वच्चामि । तओ गया ताण पिट्ठओ । काऊण य निसीहियं पविट्ठा पडिस्सयम्मि । इओ य तत्थ तीए विमलमतीए सुओ निसीहियासहो । तओ ससंभंताए सागयं निसीहियाए उठ्ठिया । दिट्ठा य अउवलावण्णधारिणी जक्खिणि व पडिहारीहिं समेया । गहियं चेडीहिं किलप्पलंय(१) दिन्नाई आसणाई । तीए वि बंदियाओ साहुणीओ । कयं वंदणयं साविगाए । निसन्नाओ, पमदियाओ जंघाओ पुच्छिया सरीरपउत्ती । तओ समासत्था समाणा पुच्छिया विमलमतीए - 'कओ तुम्हेहिं ? ति । तीए वि सया( बा )हमंथरवयणाए भणियं- 'पियसहि! महल्ला कह' त्ति, वयंसि!
जत्तियमेत्तो राओ संतावो होति तत्तिओ चेव । उज्झियरायं न हुकुंकुमं पि ताविजइ जणेण ॥ [ ५० १६. १ ] १२६ कम्ममओ संसारो कम्मं पुण नेहबंधणं जाण । नेहनियलेण बद्धा भमंति भवसायरे जीवा ॥ १२७ इन्दत्तं पत्तस्स वि जय(ण ?)स्स विसएसु नत्थि संतोसो। अणुसरिसपरियणस्स वि जस्स सहीणाइँ सोक्खाई ॥ १२८ विषस्य विषयाणां च, दूरमत्यन्तमन्तरम् । उपभुक्तं विषं हन्ति, विषयाः स्मरणादपि ॥
१२९ एवं सुणिऊण समासासिया विमलमतीए - एवं विहो एस संसारो । जओ
सइ रोग-सोग-पिय-विप्पयोग-बहुदुक्खजलणसंतत्ते । नडपेच्छणयसमाणे संसारे रे सुहं कत्तो?॥
Jain Education International
For Private & Personal Use Only
www.jainelibrary.org
| SR No. | 002776 |
| Book Title | Jindattakhyana Dwaya |
| Original Sutra Author | Sumtisuri |
| Author | Amrutlal Bhojak |
| Publisher | Singhi Jain Shastra Shiksha Pith Mumbai |
| Publication Year | 1953 |
| Total Pages | 122 |
| Language | Sanskrit, Hindi |
| Classification | Book_Devnagari & Literature |
| File Size | 7 MB |