Page Text
________________
२४
जिनदत्तस्य सिंहलदेशीय कुमारीपाणिग्रहणम् । [२११-२१५]
कह व इमा मम धूया, जाया सहस त्ति चैव नीरोगा । कुमरो भणइ नरीसर !, पुनपभावो तुहं एस ॥ २११ ॥ जं पुण निमित्तमेतं तं कुमरी चैव सीसिही देव ! । अह दंसह नियपिणो, करंडियं सिरिमई कन्ना ॥ २१२ ॥ सर्व्वं पिरयणिवतं, जहट्ठियं साहिऊण रायस्स । पण कुमरी अहयं, जमस्स उद्दालिया इमिणा ॥ २१३ ॥
> जिनदत्तस्य सिंहलदेशीयराजकुमारपाणिग्रहणम् । —
तओ इंगियागारकुसलेण राइणा वयणवियारमुणियनिय धूयाहिप्पारण कारियं वद्भावणयं | आनंदिओ नयरलोगो । संपूइओ कुमारो राइणा नागरेहि य । कुमरी वि वेजेहिं पुणनवीकया दिना जिणयत्तस्स । कयं विच्छद्वेण पाणिग्गणं । सब्भावपणयसारे पंचप्पयारे भोए भुंजमाणाण दोष्णं (हं) पि दियेहा बोलिउं पवत्ता । कया जिणयत्तेण साविगा सिरिमई । दंसियाणि चित्तवट्टिगाए जिणाययणाई साहु साहुणीवग्गो य । ताव य सवं पि विणिओइयं भंड, गहियं पडिभंडं | चिंतियं जिणयत्तेण 'वच्चामो सएस' ति । अवि यकिं तीऍ सिरीऍ सुपीवराए जा होड़ अन्नरजम्मि ।
जाय न मित्तेहि समं, जं च अमेत्ता न पेच्छंति ॥ २९४ ॥
तओ रायाणं अणुन्नविय विओयदुक्खमुप्पा [य] यंतो नायरजणाणं, धूयाविओ य विसंकुलमाणसे राइणा अणुगम्ममाणो, जणणि-जणय विरहतवियं सिरिमई संवेमाणो, कयपूयविहाणो आरूढो जाणवत्तं जिणयत्तो । विसज्जियं च तं आडत्तिगेहिं, पत्तं जलहिमज्झे । ताव य चंचलत्तणओ इंदियाणं, दुन्निवारत्तणओ कुसुमबाणस्स, सिरिमईए रूवलायनेसु अज्झोववनो सेट्ठी । चिंतह य - एयम्मि जीवमाणे न एसा मं इच्छइ । तओ 'महग्घमोल्लं पि वक्खरं पडियं मा उत्तारेसह 'त्ति संकेयपुवं भिन्ना कम्मरा । घत्तियं किं पिरयणीए । जाहे न कवि तुरियं ओयरइ ताहे वरत्ताए ओयरिओ जिणदत्तो । तेहिं वि वरतं छिन्नऊण पेल्लियं जाणवत्तं । तओ जिणयत्तं अपेच्छमाणी परोविया सिरिमई । भणिया सेडिणा - ' मा अद्धिई करेहि, तुह संतियमेव सबमेयं, होहि मम भारियत्ति न य सो मम पुत्तो, अवि य वायमेत्तपडिवन्नगो त्ति' । तीए भणियं - 'ताय ! वाया चेव पुरिसस्स जीवियं । भणियं च -
अलसायंतेण वि सजणेण जे अक्खरा समुल्लविया । ते पत्थरटंकुक्कीरिय व न हु अन्नहा होंति ।। २१५ ॥
Jain Education International
For Private & Personal Use Only
www.jainelibrary.org
| SR No. | 002776 |
| Book Title | Jindattakhyana Dwaya |
| Original Sutra Author | Sumtisuri |
| Author | Amrutlal Bhojak |
| Publisher | Singhi Jain Shastra Shiksha Pith Mumbai |
| Publication Year | 1953 |
| Total Pages | 122 |
| Language | Sanskrit, Hindi |
| Classification | Book_Devnagari & Literature |
| File Size | 7 MB |