________________
चतुर्दशमः सर्गः अथो सदसि संप्राप्याऽभयो भय विजितः । प्रणत्य श्रेणिकं भूपं तस्थौ स्थिति विवेदकः ॥ १ ॥ सभायां सर्वसभ्यानां तत्वं सर्वज्ञभाषितम् । नानाभेदविभिन्नांग कथयामास कौतुकी ॥ २ ॥ ततोऽवसरमासाद्य स्मरन्पूर्वभवं हृदि । निविण्णो भवभोगेषु जगौ स जनकं प्रति ॥ ३ ॥ अस्मिन्नसारसंसारे पुरुषा बहवो गताः । युगादौ वृषभाद्याश्च भरताद्याश्च चक्रिणः ॥ ४ ॥ संसाराब्धौ सदाकर्म नीरे जन्मसु मीनके । दुःखावर्ते जरातीव्र कल्लोले पापकर्दमे ॥ ५ ॥ नानामृति तटे भीमे चतुर्गति सुवाडवे । वेदनाकच्छपे तीव्र दरिद्रसिकताकुले ॥ ६ ॥ नानाश्रवसरिद्वृद
प्रवाहपरिपूरिते। धर्मयानं विना राजन्नान्युदुत्तारकं मतं ॥ ७ ॥ सप्तधातुमयो देहो नवद्वारैः सदास्रवन् । पापकर्ममयः पाप कारणं शर्मवारणम् ॥ ८ ॥ को रति तत्र संधत्ते मतिमान्मलमंडिते । करणाग्राम संदीप्ते चेतो व्यापारपूरिते ॥ ६ ॥ भोगा आतृप्ति संभुक्ता न तृप्ति कुर्वते नृप । सेव्यमानाः प्रवर्द्धते तैलेनेवाग्न्यः खलु ॥ १० ॥ नाकभोगर्न संतृप्तिर्येषां तेषां कथं भवेत् । पीड़नापोषितां काष्टाद्वह्नरिव तृणाग्रतः ॥११॥ इति संसारचापल्ये प्रसीद परमेश्वर । प्रव्रज्याय पितुर्नु णां नानाशर्म भवेन्नृप ।। १२ ।।
Jain Education International
For Private & Personal Use Only
www.jainelibrary.org
