________________
८८
अमरसेणचरिउ दुक्खियउ करतउ धंम देहु । हो इति म करि पुग्गल [वि] सणेहु।१३। अप्पणउ नाहि भाडइ वहति । वाहियइ धम्मि तं चेव तं तु ॥१४॥ समुदाउ न संवल न वि मुहुत्तु । जिउ करत पयाणु न सउण सत्तु ॥१५॥ नवलंत चलाऊ लहइ कोइ । लब्भइ जइ उट्ठइ रोइ रोइ ॥१६॥ वयरीवसि पडिया समरखित्ति । कायर परि मरत न होइ कित्ति ॥१७॥ भडिवाउ सुजसु-भरु मह-महंतु । स लहिज्जइ सूरत्तणि मरंतु ॥१८॥ संसारि नही अप्पणउ कोइ। लहणा देणा लगि मिलिउ जोइ ॥१९॥ जिउ पडिउ कुडवावत्तिगत्ति । सूयरहमाहि मन्नइ पहुत्ति ॥२०॥ जइ कालि कुडवउ-संकलाउ । तउ सोगिहि संकल उत्तरीउ ॥२१॥ लइ संजम अप्पउ तारि-तारि । आसा-वासिणि मन पडि संसारि ॥२२॥
घत्ता सुकुडंव-कज्जि वहु पाउ जिउ, करइ ण अप्पउ चेयइ। वहु सीउण्हइ तावइ सहए, णउ अप्पुमरणुमणि वेयइ ॥१-१६॥
[१-१७] अधिकारिउ-जीविउ-कम्मराउ । पेरिउ करंतु पडि यउ अवाइ ॥१॥ वंदिहरि-कुडंवइ वंदि घालि । रक्खियउ न सक्कइ वालि हालि ॥२॥ गल-संकल-घरणी-वाहु-दंड ।पगि पुत्तु-नेह वेडी-पचंड ॥३॥ हथकडग-मित्त-पिय-माय-भाय ।जिउ जडिउ ण सक्कइ वलि वि पाय ।।। झडिपडियति संकल कम्म जोगि । जइ तुट्ट वंदिजण वयणु लोगि ॥५॥ पुरिसत्तणु करि-अरिहंतु-णहि । कायरपण पडिसि म वलिअ गाहि ॥६॥
Jain Education International
For Private & Personal Use Only
www.jainelibrary.org
