________________
४२
वीर निर्वाण संवत् और जैन काल-गणना
सो अविणयपज्जत्तो, अण्णनरिंदे तणं पिव गणंतो । नगरं आहिंडतो, पेच्छीहि पंच थूभेउ ॥३६।। पुट्ठा य बेंति मणुया, नंदो ! राया चिरं इहं आसि । बलितो अत्थसमिद्धो, रूवसमिद्धो, जससमिद्धो ॥३७॥ तेण उइहं हिरण्णं निक्खित्तंसि (?) बहुबलपमत्तेणं । नय णं तरंति अण्णे रायाणो दाणि घित्तुंजे ॥३८॥ तं वयणं सोऊणं, खणेहीति समंततो ततो थूभे । नंदस्स संतियं तं परि (ड) वज्जइ सो अह हिरण्णं ॥३९॥ सो अत्थपडिबद्धो अण्णनरिंदे तणेवि अगणितो । अह सव्वभमणह तं (?) खणाविही पुरवरं सव्वं ॥४०॥ नामेण लोणदेवी, गावीरूवेण नाम अहिउत्था । धरणियलाउ जूया, दीसिही सिलामयी गावी ॥४१॥ सा किर तइया गावी, होऊणं राय मग्गमोतिण्णा । साहुजणं हिंडतं, पाहिट्ठी (?) सूसुयायंती ॥४२॥ ते भिण्णभिक्खभायण-विलोलिया भिण्णकोप्पनिडाला । भिक्खं पि हु समणगणा न चयंति हु हिंडिउं नगरे ॥४३॥ वोच्छंति य मयहरगा, आयरिय परंपरागयं तच्चं । एस अणागय दोसो, चिरदिट्ठो बद्धमाणेण ॥४४॥ अण्णेवि अत्थि देसा, लहुं लहुं ता इतो अवक्कमिमो । एसा विहु अणुकंपइ, गावीरूवेण अहिउत्था ॥४५॥ गावीए उवसग्गा, जिणवरवयणं च जे सुणेहिति । गच्छंति अण्णदेसं, तहवि य बहवे न गच्छंति ॥४६।। गंगा सोणुवसग्गं, जिणवरवयणं च जे सुणेहिति । गच्छंति अण्णदेसं, तहवि य बहुया न गच्छंति ॥४७।। कि अम्ह पलाएणं, भिक्खस्स किमिच्छयाइ लभंते । एवंति जंपमाणा, तहवि य बहुया न गच्छंति ॥४८॥
Jain Education International
For Private & Personal Use Only
www.jainelibrary.org
