________________
[ ६५ ]
ततो सो विणीयओ घरे अच्छइ, विसेसओ य धणसिरीए जं चेडीकम्मं तं सयमेव करेइ । ततो धणसिरीए विणीयको सव्ववीसंभट्ठाणितो जातो। __ तत्थ य नयरे रायसेवी एक्को य डिंडी परिवसइ । इओ य सा धणसिरी पुन्वावरण्हसमए सत्ततले पासाए अट्टालगवरगया सह विणीयगेणं तंबोलं सभाणयंती अच्छइ ।
सो य डिंडी हाय-समालद्धो तस्स भवणस्स आसण्णेण गच्छति । धणसिरीए तंबोलं निच्छूढं पडियं डिडिस्सुवरि । डिडिणा निज्झाइया य, दिवा य णेणं देवयभूया । ततो सो अगंगवाणसोसियसरीरो तीए समागमुस्सुओ संवुत्तो । चिंतियं च णेणं-" एस विणीयओ एएसि सव्वप्पवेसी, एवं उत्तप्पामि । एयस्स पसातेणं एतीए सह समागमो भविस्सइ " ति।
ततो अण्णया तेण विणीयगो नियगभवणं नीओ । पूयासक्कारं च काउं पायपडिएण विण्णविओ-" तहा चेद्वसु, जेण मे धणसिरीए सह संजोग करेसि" ति ।
ततो सो " एवं होउ" त्ति वोत्तूण धणसिरीते सगासं गतो । पत्थावं च जाणिऊण भणिया गेणं धणसिरी डिंडियवयणं । ततो तीए रोसबसगाए भणिओ
" केवलं तुमे चेव एवं सलत्तं, अण्णो ममं न जीवंतो" ति।
Jain Education International
For Private & Personal Use Only
www.jainelibrary.org
