________________
[ ५५ ]
सुभूमिभागे उज्जाणे, जेणेव नंदापुक्खरिणी तेणेव उवागच्छंति, उवागच्छित्ता पचहणातो पच्चोरुहंति, पच्चोरुहित्ता नंदापोक्खरिणीं ओगाहिंति, ओगाहित्ता जलमज्जणं करेंति, जलकीडं करेंति, व्हाया पच्चुत्तरंति, जेणेव थूणामंडवे तेणेव उवागच्छंति, उवागच्छित्ता थूणामंडवं अणुपविसंति, अणुपविसित्ता सव्वालं - कारविभूसिया, आसत्था, वीसत्था, सुहासणवरगया सद्धिं तं विपुलं असणपाणखातिमसातिमं धूवपुप्फगंधवत्थं आसाएमाणा, वीसाएमाणा, परिभुंजेमाणा एवं च णं विहरति ।
तते णं ते सत्यवाहदारगा पुव्वावरण्हकालसमयंसि थूणामंडवाओ पडिनिक्खमंति, पडिनिक्खमित्ता हत्थसंगेलीए सुभूमिभागे वसु आलिवरएसु य कयलीघरेसु य लयाघरएसु य अच्छणघरएसु य पेच्छणघर एसु य पसाहणघर एसु य सालघर एसु य जालघरसु य कुसुमघर एसु य उज्जाणसिरिं पचणुभवमाणा विहरति ।
तते णं तें सत्थवाहदारया जेणेव से मालुयाकच्छए तेणेव पहारेत्थ गमणाए । तते णं सा वणमऊरी ते सत्थवाहदारए एज्जमाणे पासति, पासित्ता भीया, तत्था, महयामहया सद्देणं केकारवं विणिम्मुयमाणी विणिम्मुयमाणी माझ्याकच्छाओ पडिनिक्खमति, पडिनिक्खामत्ता एगंसि रुक्खडालयंसि ठिच्चा
Jain Education International
For Private & Personal Use Only
www.jainelibrary.org
