________________
[ ४३ ]
जूहातो विप्पहूणे वणदवजालापारद्धे, उण्हेण य तण्हाए य छुहाए य परब्भाहए समाणे, भीए, तत्थे, तसिए, उव्विग्गे, संजातभए, सव्वतो समंता आधावमाणे परिधावमाणे एगं च णं महं सरं अप्पोदयं, पंकबहुलं, अतित्थेणं पाणियपाए उइन्नो ।
“तत्थ णं तुम मेहा! तीरमतिगते पाणियं असंपत्ते अंतरा चेव सेयंसि विसने। ___"तत्थ णं तुम मेहा ! पाणियं पाइस्सामि त्ति कटु हत्थं पसारेसि, से वि य ते हत्थे उदगं न पावति ।
___" तते णं तुम मेहा ! पुणरवि कायं पच्चुरिस्सामीत्ति कट्ट वलियतराय पंकसि खुत्ते । ____ " तते णं तुम मेहा ! अन्नया कदाइ एगे चिरनिजूंढे गयवरजुवाणए सगाओ जूहाओ कर-चरण-दंत-मुसलप्पहारेहि विपरद्धे समाणे तं चेव महद्दहं पाणीयं पादेउं समोयरेति ।
___" तते णं से कलभए तुम पासति, पासित्ता तं पुव्ववेरं समरति, समरित्ता आसुरुत्ते, रुटे, कुविए, चीडक्किए, मिसिमिसेमाणे जेणेव तुमं तेणेव उवागच्छति, उवागाच्छित्ता तुम तिखेहिं दंतमुसलेहिं तिखुत्तो पिटुतो उच्छुभति, उच्छुभित्ता पुव्ववेरं निज्जाएति, निजाइत्ता हसतुढे पाणियं पियति, पिइत्ता जामेव दिसि पाउन्भूए तामेव दिसि पडिगए।
"तते णं तव मेहा ! सरीरगास वेयणा पाउमवित्थाः
Jain Education International
For Private & Personal Use Only
www.jainelibrary.org
