________________
[ ३९ ]
पायरयरेणुगुंडियं करेंति । एवं महालियं च णं रयणी मेहे कुमारे णो संचाएति° खणमवि अच्छिं निमीलित्तए ।
तते णं तस्स मेहस्स कुमारस्स अयमेयारूवे अज्झथिए समुप्पैज्जित्था___" एवं खलु अहं सेणियस्स रन्नो पुत्ते, धारिणीए देवीए अत्तए मेहे । तं जया णं अहं भगारमज्झे वसामि तया णं मम समणा णिग्गंथा आढायंति, परिजाणंति, सक्कारेंति, संमागति, अढाई हेऊति पसिणाति कारणाई वाकरणाई आतिक्खंति, इटाहि कंताहिं वग्गूहि आलति, सलवेति । जप्पमितिं च णं अहं मुंडे भवित्ता आगारामओ अणगारियं पन्वइए, तप्पभितिं च णं मम समणा नो आढायंति....जाव नो संलवंति । अदुत्तरं च णं मम समणा निग्गंथा राओ पुव्वरत्तावरत्तकालसमयांस वायणाए पुच्छणाए....*जाव संथाराओ आयंति, महालियं च णं रतिं नो संचाएमि अच्छि णिमिलावेत्तए । तं सेयं खलु मज्झं कलं, पाउप्पभायाए रयणीए, तेयसा जलंते सूरिए समणं भगवं महावीरं आपुच्छित्ता पुणरवि आगारमज्झे वसित्तए " त्ति कटु एवं संपेहेति, संपेहित्ता अट्टदुहट्टवसट्टमाणसगए णिरयपडिरूवियं च णं तं रयणि खवेति, खवित्ता कलं, पाउप्पभायाए सुविमलाए रयणीए, तेयसा जलंते सूरिए जेणव समणे भगवं महावीरे
* पृष्ठ ३८, पंक्ति १५
Jain Education International
For Private & Personal Use Only
www.jainelibrary.org
