________________
[ १२७ ] सियाण य जूहाई निभ्भयाई, निरुविग्गाई सुहंसुहेणं अभिरममाणगाति अभिरममाणगार्ति विहरति ।
तस्स णं मयंगतीरदहस्स अदूरसामंते एत्थ णं महं एगे मालयाकच्छए होत्था । तत्थ णं दुवे पावसियालगा परिवसति, - पावा, चंडा, रोहा, तल्लिच्छा, साहसिया, लोहितपाणी, आमिसत्थी, आमिसाहारा, आमिसप्पिया, आमिसलोला, आमिसं गवेसमाणा रत्ति वियालचारिणो दिया पच्छन्नं चावि चिट्ठति ।
तते णं ताओ मयंगतीरदहातो अन्नया कदाई सूरियसि चिरस्थमियांस, लुलियाए संझाए, पविरलमाणुसंसि णिसंतपडिणिसंतंसि समाणसि दुवे कुम्मगा आहारत्थी, आहारं गवेसमाणा सणियं सणियं उत्तरंति, तस्सेव मयंगतीरदहस्स परिपेरंतणं सव्वतो समंता परिघोलेमाणा परिवोलेमाणा वित्ति कम्पेमाणा विहरति ।
___तयणंतरं च णं ते पावसियालगा आहारत्थी आहार गवेसमाणा मालयाकच्छयाओं पडिनिक्खमंति, पडिनिक्खमित्ता जेणेव मयंगतीरे दहे तेणेव उवागच्छंति, उवागच्छित्ता तस्सेब मयंगतीरदहस्स परिपेरतणं परिघोलेमाणा परिघोलेमाणा वित्ति कम्पमाणा विहरति ।
Jain Education International
For Private & Personal Use Only
www.jainelibrary.org
