________________
[ १०६ ]
" एए णं ते पंच सालिअक्खए" त्ति कट्ठ घण्णस्स सत्यवाहस्स हत्यसि ते पंच सालिअक्खए दलयति ।
तते णं धण्णे सत्थवाहे उज्झियं सवहसावियं करेति, करिता एवं वयासी - ___" किं णं पुत्ता! एए चेव पंच सालिअवखए उदाहु अन्ने ?"
तते णं उज्झिया धण्णं सत्यवाहं एवं वयासी -
" तं णो खलु ताओ ! ते चेव पंच सालिअक्खए एए णं अन्ने"।
तते ण से धण्णे उज्झियाए अंतिए एयमदूं सोचा णिसम्म आसुस्ते मिसिमिसेमाणे उज्झितियं तस्स मित्तनाति० चठण्ह सुण्हाणं कुलघरवग्गस्स य पुरओ तस्स कुलघरस्स छारुज्झियं च छाणुज्झियं च कयवरुज्झियं च समुच्छियं च सम्मजिअं च पाउवदाई च ण्हाणोवदाई च बाहिरपेसणकारिं ठवेति ।
एवामेव समणाउसो! जो अम्हं निग्गंथो वा निग्गंथी वा जाव पव्वतिते पंच य से महत्वयाति उज्झियाई भवंति, से णं इह भवे चेव बहूणं समणाणं बहूणं समणीणं बहूणं सावयाणं बहूणं सावियाणं हीलणिजे संसारकतारं अणुपरियइस्सइ, जहा सा उझिया ।
Jain Education International
For Private & Personal Use Only
www.jainelibrary.org
