________________
[ १०३ ]
करिता ते पंच सालिअक्खए ववंति, ववित्ता दोचंपि तनि उक्खयनिहए करेंति, करिता वाडिपरिक्खेवं करेंति, करिता अणुपुव्वेणं सारक्खेमाणा संगोवेमाणा संवडेमाणा विहति ।
तते णं ते सालीअक्खए अणुपुव्वेणं सारक्खिज्जमाणा संगोविज्जमाणा संबड्डिज्जमाणा साठी जाया किण्हा किन्होभासा निउरंवभूया पासादीया, दंसणीया, अभिरूवा, पडिरूवा |
ततें णं ते साली पत्तिया, वत्तिया, गव्भिया, पसूया, आगयगंधा, खराड्या, बद्धफला, पक्का, परियागया, सलइया, पत्तइया, हरियपव्वकंडा जाया यावि होत्या ।
तते णं ते कोटुंबिया ते सालीए पत्तिए.... जाव सल्लइए पत्तइए जाणित्ता तिक्खेहिं णवपज्जणएहिं असियएहिं लुर्णेति, लुणित्ता करयलमलित करेंति, करिता पुणंति, तत्थ णं चोक्खाणं, सूयाणं, अखंडा, अफोडियाणं छडछड्डापूयाणं सालीण मागहए पत्थए जाए ।
तते णं ते कोडुंबिया ते साली नवएसु घडएलु पक्खिवंति, पक्खित्रित्ता उपलिंपति, उपलिपित्ता लंछियमुद्दिते करेंति, करिता कोट्ठागारस्स एगदेसंसि ठावेंति, ठावित्ता सारक्खमाणा संगोवमाणा विहरति ।
Jain Education International
For Private & Personal Use Only
www.jainelibrary.org
