________________
रोहमओ य बालो । सा य तस्स हीलापरायणा हवइ । तो तेण सा भाणया-" अम्मो । जं ममं सम्मं न घट्टसि, न तं सुंदरं होही । एत्तो अहं तह काहं जह तं मे पाएसु पडसि।"
एवं कालो वच्चइ । अह अण्णया कयाइवि ससिपयासधवलाए रयणीइ सो एगसज्जाए जणगसहिओ पासुत्तो । तो रयाणिमज्झभागे उद्वित्ता उन्भएण होऊणं उच्चसरेणं जणओ उवाविय भासिओ जहा-" ताय ! पेक्खसु एस कोइ परपुरिसो जाइ !"
स सहसुटिओ जाव निद्दामोक्खं काऊणं लोयणेहिं जोएइ ताव तेण न दिट्ठो कोइ पुरिसो।
ततो रोहओ पुट्ठो- " वच्छा ! सो कत्थ परपुरिसो ?"
तेण जणओ भणिओ - " इमेणं दिसाविभागणं सो तुरियतुरियं गच्छंतो मे दिलो ।" ।
तओ सो महिलं नसीलं परिकलिय तीए सिढिलायरो जाओ । सा पच्छायावपरिगया भासइ
" वच्छ ! मा एवं कुणसु ।" रोहओ भणइ - " कहं मम लटुं न वट्टसि ?"
सा बेइ -- " अह लटुं वहिस्सं । तओ तुम तहा कुणसु जहा एसो तुह जणओ मज्झ आयरं कुणइ ।"
Jain Education International
For Private & Personal Use Only
www.jainelibrary.org
