________________
[ ८५ ]
तस्स णं सद्दालपुत्तस्स आजीविओवासगस्स अग्गिमित्ता नाम भारिया होत्या |
तस्स णं सद्दालपुत्तस्स आजीविभवासगस्स पोलासपुरस्स नगरस्स वहिया पञ्च कुम्भकारावणसया होत्या । तत्थ णं वहवे पुरिसा दिण्णभइभत्तवेयणा कलाकलिं बहवे करए य चारए य हिउए य घडए य अद्धघडए य कल्सए य अलिञ्जरए य जम्बूलए य उद्दियाओ य करेन्ति, अन्ने य से वहवे पुरिसा दिण्णभइभत्तवेषणा कलाकलिं तेहिं वहूहि कर एहि य.... जाव उट्टियाहि य रायमग्गांस वित्ति कप्पेमाणा विहरन्ति ।
तए णं से सदालपुत्ते आजीविओवासए अन्नया कयाइ पुव्वावरण्हकालसमयंसि जेणेव असोगवणिया तेणेव उवागच्छ, उबागच्छित्ता गोसालस्स मङ्खलिपुत्तस्स अन्तियं धम्मपण्णति उवसम्पज्जित्ताणं विहरइ |
तेणं कालेणं तेणं समएणं समणे भगवं महावीरे समोसरिए । परिसा निग्गया । जियसत्तू निग्गच्छइ, निग्ाच्छित्ता पज्जुवासइ ।
तए णं से सदालपुत्ते आजीविओवासए इमीसे कहाए लद्घट्टे समाणे जेणेव समणे भगवं महावीरे तेणेव उवागच्छई,
Jain Education International
For Private & Personal Use Only
www.jainelibrary.org
