Mahapurana Part 1

SR No.: 002722
Original Sutra Author: Pushpadant
Author: P L Vaidya
Publisher: Bharatiya Gyanpith
Publication Year: 1979
Total Pages: 560
Language: Hindi, Apbhramsa
Classification: Book_Devnagari & Mythology
File Size: 11 MB

Page 94

[१.६.१०
महापुराण णियसिरिविसेसणिज्जियसुरिंदु गिरिधीरु वीर भइरवणरिंदु । पई मण्णिउ वण्णिउ वीरराउ । उप्पण्णउ जो मिच्छत्तराउ । पच्छित्तु तासु जइ करहि अज्जु ता घडइ तुज्झु परलोयकज्जु । तुहुँ देउ को वि भन्वयणबंधु पुरुएंवचरियभारस्स खंधु । अब्भत्थिओ सि दे देहि तेम णिव्विग्घे लहु णिव्वहइ जेम । घत्ता-अइललियए गंभीरए सालंकारए वायए ता किं किज्जइ ।।
जेइ कुसुमसरवियारउ अरुहु भडारउ सब्भावें ण थुणिज्जइ ।।६।।
सियदंतपंतिधवलीकयासु ता जंपइ वरवायाविलासु । भो देवीणंदण जयसिरीह
किं किज्जइ कन्वु सुपरिससीह । गोवज्जिएहि णं घणदिणेहिं सुरवरचावेहि व णिग्गुणेहिं । मइलियचित्तहिं णं जरघरेहिं छिद्दण्णेसिहिं णं विसहरेहिं । जडवाइएहिं णं गयरसेहि दोसायरेहिं णं रक्खसेहिं । आचक्खियपरपुट्ठीपलेहिं
वरकइ णिदिज्जइ हयखलेहिं । जो बालबुड्ढसंतोसहेउ
रामाहिरामु लक्खणसमेउ । जो सुम्मइ कइवइ विहियसेउ तासु वि दुज्जणु किं परि में होउ । घत्ता-णउ महु बुद्धिपरिग्गहु णउ सुयसंगहु ण कासु वि केरउ बलु ।।
भणु किह करमि कइत्तणु ण लहमि कित्तणु जगु जि पिसुणसयसंकुलु ।।७।।
तं णिसुणिवि भरहे वुत्तु ताव भो कइकुलतिलय विमुक्कगाव । सिमिसिमिसिमंतकिमिभरियरंधु मिल्लेवि कलेवरु कुणिमगंधु । ववगयविवेउ मसिकसणकाउ सुंदरपएसि किं रमइ काउ। णिक्कारुणु दारुणु बद्धरोसु दुज्जणु ससहावे लेइ दोसु। हयतिमिरणियरु वरकरणिहाणु ण सुहाइ उलूयहो उईउ भाणु । जइ ता किं सो मंडियसराह णउ रुच्चइ वियसियसिरिहराहं । को गणइ पिसुणु अविसहियतेउ भुक्कउ छणयंदहु सारमेउ । जिणचरणकमलभत्तिल्लएण ता जंपिउ कव्वपिसल्लएण । घत्ता-णउ हउं होमि वियक्खणु ण मुणमि लक्खणु छंदु देसि ण वियाणमि ।
जा विरइय जयवंदहिं आसि मुणिंदहिं सा कह केम समाणमि ।।८।। ६. B वीरभइरव। ७. MBPK भाउ, but GT मिच्छत्तराउ and gloss 'रागः ।
८. M पुरएवं । ९. M जय । ७. १. T जरहरेहिं । २. PC ण । ८. १. MBP सुहाय । २. P उयउ । ३. P छणइंदह । ४. P पयासमि but marginal gloss कथं
समानयामि वर्णयामि ।