Mahapurana Part 1

SR No.: 002722
Original Sutra Author: Pushpadant
Author: P L Vaidya
Publisher: Bharatiya Gyanpith
Publication Year: 1979
Total Pages: 560
Language: Hindi, Apbhramsa
Classification: Book_Devnagari & Mythology
File Size: 11 MB

Page 490

४०४
महापुराण
[१८.७.१
णत्थि उवाणहाउ सयणासणु मुक्कउं छत्तु असेसु विहूसणु । विसहइ दसमसयसीउण्हई छुहजणदुव्वयणाई संयण्हई । चरिय णिसेज्ज सेज्ज रइ अरइ वि वहबंधण गयजण वणवसइ वि। सीह सरह तणु लग्ग ण वारइ मुणि जच्चिण्णेहि चित्तु ण पेरइ । जल्लमलेहिं मि लित्तउ अच्छइ वउसक्कारु किं पि ण समिच्छइ । असुहसुहेसु समत्तणु मण्णइ विविहातंक रोय अवगण्णइ । लोयकएहिं ण मुज्झइ दोहिं मि सक्कारेहिं पुरक्कारेहिं मि। अहंसण अलाहु रिसिसारउ । पण्णपरीसह सहइ भडारउ । वयसमिर्दिदियरंभणु लोउ वि च्चेलकावासयजोउ वि । पहाणविवज्जणु महिसंसोवणु , दंतोधोवणु कयठिदिभोयणु । घत्ता-वणि णिवसइ दुक्खसयई सहइ ण चवइ थोवउ जेंवइ ।।
परमित्ति करइ णिद्द वि जिणइ मणु वेरग्गें भावइ ॥७॥
एम चरंतु चरित्तु सुदुच्चरु महि विहरंतु पइठु वणंतरु । तहिं थिउ एक्कु वरिसु लंबियकरु वेल्लीवलयहिं वेढिउ णं तरु । जासु अंगि पयघट्टियसिंगह कंडुविणोउ सरइ सारंगहं । जासु वच्छि फणिमणि पविराइउ बहुसो विसहरेहिं हाराइउ । जासु गत्तु कयमयजलण्हवणउं जायउ करिहिं करडकंडुयणउं । चरणंगुठ्ठयणक्खि णिहिज्जइ सरहलु वणयरणरहिं णिसिज्जइ । देहि चडंति जासु सुरघरिणिहिं उलूरिय लय णहयरतरुणिहिं । तणुकंतीइ जासु हयछाया
हंस वि हरियवण्ण संजाया। जासु रत्तकंदासिइ वट्टइ
पण्हिय सूयरु घोणइ घट्टेइ । घत्ता-आसण्णइं जासु मुणीसरहो तवपहावउवसंतई ॥
करि केसरि उलई फणिउलई सह हिंडंति रमंतई ॥८॥
एक्कहिं दियहि पउत्तु सपत्तिइ थुणइ णराहिउ पयपडियल्लउ पई कामें अकामु पारद्धउ
तासु भरहु गउ वंदहत्तिइ । पई मुएवि जगि को वि ण भल्लउ । पई राएं अराउ कउ णिद्धउ ।
७. १. MBP सतण्हइं; T सयण्हई । २. B जच्चिहे । ३. MBP अहंसणु । ४. M अच्चेलक्क आवासय
जोइ वि; B अच्चेलक्क पवासयजोउ वि । ५. MP दंताधोयणु; B दंताभोयणु । ८. १. BP सुदुद्धरु । २. MBP णं वेडिउ । ३. MBPK कंदासइ। ४. MB घोणे; P घोणिहि ।
५. B घुट्टइ। ९. १. BP भत्तिइ ।