Mahapurana Part 1

SR No.: 002722
Original Sutra Author: Pushpadant
Author: P L Vaidya
Publisher: Bharatiya Gyanpith
Publication Year: 1979
Total Pages: 560
Language: Hindi, Apbhramsa
Classification: Book_Devnagari & Mythology
File Size: 11 MB

Page 488

४०२
महापुराण
[१८.५.१
सज्जणकरुणे सज्जणु कंपइ तं णिसुणिवि भरहाणुउ जपइ ।। जइयहुं हर सिसुत्ति सहकीलिउ तइयहं पेई वि किं ण परितोलिउ । मझु वि तुज्झु वि कवणु पराहउ मज्झु वि तुज्झु वि कवणु महाहउँ । जे गय ते सयल वि मग्गिवि मिसु भावइ भोउ ताहं णावइ विसु । तेत्थु ण काई वि दोसु तुहारउ वंदणिज्जु तुहुँ जगि गरुयारउ । जइ एवहिं धरित्ति ण समिच्छहि ता जे दिण्णी तहु जि पयच्छहि । तहिं अवसरि वयणेहिं णिरोहिउ मंतिहिं भूमिणाहु संबोहिउ । सुउ संताणि थवेवि महाबलि गउ केलासु परायउ भुयबलि । घत्ता-वणु जंतु मुयंतु णरिंदसिरि महि महंतु अहिमाणिउ ।।
साकेयहु राउ विसण्णमणु मंतिहिं मडुइ आणिउ ।।५।।
एत्तहि गिरिवरि बाहुबलीसें
अइदूराउ पणावियसीसें। णिट्ठाणिट्ठउ गट्ठाणट्ठउ
दिट्ठउ भट्ठदुट्ठकम्मट्ठउ । अइदट्ठोहरुट्ठपाविट्ठहिं
हेट्ठाकोट्ठगयहिं दप्पिट्टहिं । जो णउ दीसइ कुंठियेवायहिं मंसासिहि मज्जवहिं सवायहिं । वयणुग्गयगहीरजयकारें
सो जिणु संथुउ तेण कुमार। रोसु तुज्झु रोसेण व णिग्गउ राउ ण याणहुं संझहि लग्गउ । पई मेल्लिवि दोसु वि दोसायरि थियउ कलंकमिसेण व ससहरि । तुह झाणग्गिभएण व गट्ठउ मोहु मोहणोसहिहिं पइटउ । पई तासिउ वढारियसंगउ लोहु वि सव्वलोहभावं गउ । कंदप्पहु वि दप्पु पई साडिउ कालहु उप्परि कालु भमाडिउ । तुहुं णिग्गंथु अणीहियगंथउ तवणियमं थउ दावियपंथउ । विज्जा णावई पई जम्मबुहि उल्लंघिउ तुहुं रवि हरि हरु विहि । एम देउ गरु भत्तिइ वंदिवि मिच्छादुक्किउ गरहवि णिदिवि । णावइ भवतरुमूलुप्पाडणु
करिवि संसिरवरि चिहुरुप्पाडणु । घत्ता-सर पंच वि घल्लिय वम्महेण धणु रइ बिण्णि वि मुक्कइं॥
पडिवण्णई पंच महव्वयई पयजयपाडियसक्कइं॥६॥ ५. १. MBP किं ण पई मि । २. P adds after this : तुहं जि जेटु महु सामि महारउ ।
३. MFK तो। ४. MBP मंडई।। ६. १. MBP पणामिय। २. G कुट्टियं । ३. P दोसु दोसायरि । ४. MP मोहणोसहहिं । ५. MB
सव्वु लोह । ६. MBT °मत्थउ; T records ap: तेम णिमत्थउ इति पाठे ज्ञानावरणविनाशकः । ७. MB गरहेवि; P गिरिहिं वि । ८. MBP ससिरि वरचिहरु ।