Mahapurana Part 1

SR No.: 002722
Original Sutra Author: Pushpadant
Author: P L Vaidya
Publisher: Bharatiya Gyanpith
Publication Year: 1979
Total Pages: 560
Language: Hindi, Apbhramsa
Classification: Book_Devnagari & Mythology
File Size: 11 MB

Page 486

४००
महापुराण
[१८. २.५ जं माणुसु धम्मेण ण भिज्जइ 'सो णिक्किट्ठ तेण किं किज्जइ। देव मज्मु खमभाउ करेज्जसु जं पडिकूलिउ तं म रूसेज्जसु । अप्पउ लच्छिविलासे रंजहि लइ महि तुहुँ जि णराहिव मुंजहि । णहणिवडियणीलुप्पलविट्ठिहि हउं पुणु सरणु जामि परमेट्ठिहि । तं णिसुणिवि भरहेसे वुच्चइ परिहवदूसिउ रज्जु ण रुञ्चइ । घत्ता-अंतेउरसयणहं परियणहं णीसेसह मि णियंतहं ॥
हउं जित्तउ पई तुहुं सइ खंविउं खम भूसणु गुणवंतहं ॥२॥
जइ पइं णियमुएहिं अंदोलिउ 'भूमंडलि तडत्ति अप्फालिउ । तो किं चक्कु रयणु मई रक्खइ पुणु जीयंतु को वि किं पेक्खइ । पई जित्ती खमा वि खमभावें पई तासिउ केउसिउ सपयावें। पई जिहं तेयवंतु ण दिवायरु णउ गंभीरु होइ रयणायरु । पई दुज्जसकलंकु पक्खालिउ णाहिरिंदवंसु उज्जालिउ ! पुरिसरयणु तुहुँ जगि एक्कल्लउ जेण कयउ महु बलु वेयल्लउ । को समत्थु उवसमु पडिवज्जह जगि जसढक्क कासु किर वज्जइ। पई मुएवि तिहुयणि को चंगउ अण्णु कवणु पञ्चक्खु अणंगउ । अण्णु
अण्णु कवणु रक्खियणिवसासणु । घत्ता-ससि सूरहो मंदर मंदरहो इंदहु इंदु अणीयउ॥
पर एक्कहु णंदाएविसुय तुह ण णिहालमि बीयउ ॥३।।
पयकयो
जं तुहुँ दुव्वयणेहिं णिब्भच्छिउ जं दिट्ठीइ सरोसु णियच्छिउ । जं सरवाणिएण णिरु सित्तउ जं जुझंते पेल्लिवि घित्तउ । तं एवहिं खेम करि महुं बंधव जिणवरतणय तिजगमणसंभव । आउ जाहु उज्झाउरि पइसहि अज्जु जि तुहं सिंहामणि बइसहि । पटु णिबंधमि भालि तुहारइ अक्ककित्ति जीवउ तुह केरइ। एवहिं रज्जु करतउ लज्जमि एवहिं परमदिक्ख पडिवज्जमि । एवहिं इंदियछंदु विवज्जमि एवहिं पुण्णु ण पाउ समज्जमि । एवहिं कम्मणिबंधैण भंजमि एवहिं जोएं प्राण विसज्जमि । घत्ता-बंधव वणवासहु पट्ठविवि धरणिमोहरसभंते ॥
मई एवहिं दुज्जसभायणेण भायर काइं जियते ॥४॥ २. १. MBP णिक्किउ काई तेण किर किज्जइ; K णिक्किट्ठ तेण काई किर किज्जइ; but corrects
it to सो णिक्किट्ठ तेण किं किज्जइ । २. MBP खमिउ। ३. १. MBP महिमंडलि । २. MBP चक्करयणु । ३. MB पुणु वि जयंतु; PK पुणु वि जियतु ।
४. MB तोसिउ । ५. M पोउसिउ; B कोसिउ । ४. १. MBP जं दुव्वयणेहिं । २. M महुं खम करि । ३. MBPK °णिबंधणु । ४. MBP पाण।