________________
३३८
महापुराण
[१५.९.५
चलहारमणी
जणमणदमणी। छणससिवयणा
कुवलयणयणा। वरगयगमणा
कयजिणण्हवणा। पविउलरमणा
पीवेरसिहिणा। पंकैयचलणा
सिरकयसुमणा। पसरियपुलया
वणसुरकुलया। विरइयतिलया
मसियणिलया। णरणवियपया
चलमयरधया। मुणिमइविमला
हिमकरधवला। घत्ता-गंगा णाम सइ सरसंदरिणयणपियारी।
रूवें जोव्वणेण देवाहं मि विम्हयगारी ।।९।।
परवइचरियं
गुणविप्फुरियं हियेए धरियं
चलिया तुरियं । तिवलितरंगा
देवी गंगा। णिवसामीवं
पीणियभावं। पत्ता धीरा
सालंकारा। मुवणपसत्था
मंगलहत्था। दुत्थियमित्तो
परहियजुत्तो। जगगुरुपुत्तो
पंकयणेत्तो। उत्तमसत्तो
गुरुयेणभत्तो। जायविवेओ
भावियभेओ। ढोइयदाणो
कयसंमाणो। खलकुलचंडो
दावियदंडो। भासियसामो
ससिरविधामो। रामाकामो
पायडणामो। हयसिरिविरहो
दिट्ठो भरहो। भत्तिभराए
कुसुमकराए। थोत्तगिराए
णवियसिराए। दिण्णासीए
पुणरवि तीए। घत्ता-वरुणदिसासियहो णं पुण्णिमाइ ससिकंदहो ।
अमयभरिउ कलसु पल्हत्थिउ सीसि णरिंदहो ॥१०॥ २. K omits पीवरसिहिणा । ३. K omits पंकयचलणा । ४. MBP विभयं । १०. १. MBP हियवइ । २. Kगुणयणभत्तो ।
Jain Education International
For Private & Personal Use Only
www.jainelibrary.org
