Page Text
________________
१५०
महापुराण
[७. २१. १६ कडियलि रयणकिरणविप्फुरियइ बद्धउ कडिसुत्तउ सहुं छुरियइ। बंभमुत्तु उरि चारु चडाविउ तिलएं तइयउ जयणु व दाविउ । हरिकरिससिरविरूवणिबद्ध उभियाइं विमलई कुलचिंधई। परिमुक्कमलइं धवलइं छत्तई णं जिणकित्तिभिसिणिसयवत्तई। मय मायंग तुरंग सलक्षण पुज्जिय गह काणीण वियक्खण । घत्ता-उच्चाइउ आयहिं पइअणुरायहिं आसीवायणिघोसहिं ।।
सिरिभरहकुमारहु महिभत्तारहु बद्धउ पट्टु गरेसहिं ॥२१॥
२२ खंडयं-सीहासणसिहरासिओ सोहइ भुअणपसंसिओ।
गिरिकडए धुयकेसरो केसरि व्व भरहेसरो ॥१॥ दसदिसिवहसंपाइयसुरवरु तहिं अवसरि दीसइ विउलंबरु । बहुविमाणभारणं णवियउ धंयवडेहिं णावइ पल्लवियउ। आयवत्तुं फुल्लहिं णं फुल्लिउ तरुणीथणवलेहिं ओणलिउ । थियझसहंसचासवाहणगणु णावइ जिणवरपुण्णमहावणु । णं तुरयहिं धावंतहिं धावइ संदणेहिं रविभरियउ गावइ । कुंजरेहिं णं मेहहिं छइयउ
असिवरेहिं णं विज्जुवलइयउ । हरियारुणरुइल्लु णं सुरधणु णं अवलंबइ णवपाउसगुणु । विहुणिक्खवणपयासणयालइ एम परायउ सुरयणु लीलइ। गउ तहिं जहिं अच्छइ रंजिर्यसहु रिसहणाहु णिण्णाहु महापहु। पत्ता-कमलासणु केसवु ससहरु वासवु सिधु बुधु हरु दिणयरु ।।
चामीयरघडियइ रयणहि जडियइ पट्टि णिसण्णउ जिणवरु ।।२२॥
२३
खंडयं-केण वि गहिरं वाइयं केण वि महुरं गाइयं ।
केण वि सरसं णच्चियं पहुपयजुयलं अंचियं ॥१॥ अमरविलासिणिकरसंगहियहिं हविउ देहु घियदुद्धहिं दहियहिं । इंदजलणजमणेरियवरुणहिं पवणकुबेरतिसूलुद्धरणहिं । णलिणबंधुणाइंदहिं चंदहिं रुंदाणंदहरेहिं गरिंदहि ।
वयणुग्गीरियथोत्तवमालहिं णिग्गयखीरवारिधारालहिं । ४. MBP°विच्छुरियइ । ५. B पहुँ। २२. १. B°दिसिवई । २. MBP संपाइय । ३. M धयवडेण । ४. MBP आयवत्त । ५. M तरुणीथण
हरेहि ओहुल्लिउ; B थणहारेहि ओहुल्लि उ; P थणहलेहिं सुफलिल्लिउ; but T ओणल्लिउ । ६. B
भावइ । ७. P पावस घणु । ८. M रजियसुह। ९. MBP केसउ। २३. १. MBP देउ; K देहु but corrects it to देउ । २. M घयं । ३. T तिसूलधरणु । ४. M
भरेहि।
Jain Education International
For Private & Personal Use Only
www.jainelibrary.org
| SR No. | 002722 |
| Book Title | Mahapurana Part 1 |
| Original Sutra Author | Pushpadant |
| Author | P L Vaidya |
| Publisher | Bharatiya Gyanpith |
| Publication Year | 1979 |
| Total Pages | 560 |
| Language | Hindi, Apbhramsa |
| Classification | Book_Devnagari & Mythology |
| File Size | 11 MB |