Mahapurana Part 1

SR No.: 002722
Original Sutra Author: Pushpadant
Author: P L Vaidya
Publisher: Bharatiya Gyanpith
Publication Year: 1979
Total Pages: 560
Language: Hindi, Apbhramsa
Classification: Book_Devnagari & Mythology
File Size: 11 MB

Page 234

१४८
महापुराण
[७.२०.१
२०
खंडयं-तुह वयणंसुपसाहिए जगकमले संबोहिए।
कुसमयखलखज्जोयया होंति देव हयतेयया ॥११॥ मोहजलणजालावलि णिरसहि धम्मामयअंबुहर पवरिसहि । पाववज्जलेवंतणिहित्तई
जरकसरा इव कद्दवि खुत्तई । उत्तारहि परमप्पय भूयई रंगणडा इव णाणारूवई। एम भणेप्पिणु गय लोयंतिय देवें परहियबुद्धि विचिंतिय । तहिं अवसरि बुह्यणिहिं समस्थिउ भरहु महीसरेण अब्भत्थिउ । पुत्त पुत्त लइ पालहि वसुमइ मई पुणु साहेवी पंचम गइ। तं णिसुणेवि कुमार वुत्तउं देव देव किं भणहि अजुत्तउं । जं तुहे भुत्तुज्झियआहारें ' तंण सोक्खु भोयणवित्थारें। जं तुह णियडासणइ णिविट्ठहु तं ण सोक्खु हरिवीढि बइठ्ठहु । जं महु तुह अग्गइ धावंतहु तं ण सोक्खु गयखंधहिं जंतहु । जं पायडियउ तुह पर्यछाहिइ तं ण सोक्खु महु छत्तहु छाहिइ । मंतिमहासेणावइपुज्ज
पई रहिएण ताय किं रज्जें। घत्ता-जंपियउ जिणेसें णाउ विसेसें जइ पहुपयहि ण जुज्जइ ॥
__ तो लोउ रउदें जुज्झवि महें मच्छे मच्छु व खज्जइ ॥२०॥
२१
खंडयं-कुरु कुरु धरणीपालणं णायाणायणिहालणं ।
धरि धरि महिवइसासणं एयं चिय मह पेसणं ॥१॥ तं णिसुणेवि णिरुत्तर जायउ थिउ तणुरुहु संभूयविसायउ । सोणंदेयहु दिण्णु सुहकरु पोयणपुरु पविहिण्णवसुंधरु । अण्णेकहुं अण्णण्णई दिण्ण
मंडलाई ढोइयधणधण्णई। एत्थंतरि संपेसिय राणा देवें जे एकेक पहाणा। छक्खंडावणिपसरियतेयहु लग्गा रायमहाअहिसेयहु । णरकरकोणाहयहिं गहीरहिं वज्जंतहिं चामीयरतूरहिं । धवलिहिं मंगलेहिं गिजंतिहिं खुजयवावणेहिं णचंतिहिं । कोमिणिमित्तगत्तरोमंचहिं होमदाणपारंभपवंचहिं। ससहरमणिमएहिं णिक्कलुसिहिं सयलतित्थजलभरियहिं कलसहिं । जय रायाहिराय पभणंतहिं अहिसिंचियउ भरहु सामंतिहिं । हासससंककाससंकासई
परिहाविउ सुइसुब्भई वासई। कण्णहि कुंडलाई आइद्ध
चंदाइच्चहं तेयसमिद्धई। करि कंकणु गलि हारु विलंबिउ सिरि सेहरु महुयरमुहचुंबिउ । २०. १. MBP धम्ममहामयजलहर वरिसहि । २. MBP°वज्जलेवत्त । ३. MBP कद्दमि । ४. MBP
भणिउं । ५. B तुहं भुत्तु उज्झियं । ६. P पयछाएं । ७. P छाएं । ८. K जुंजइ । २१. १. MBP वावणेहि । २. BMK कामिणिसित्त । ३. MBP पहिराविउ ।