Mahapurana Part 1

SR No.: 002722
Original Sutra Author: Pushpadant
Author: P L Vaidya
Publisher: Bharatiya Gyanpith
Publication Year: 1979
Total Pages: 560
Language: Hindi, Apbhramsa
Classification: Book_Devnagari & Mythology
File Size: 11 MB

Page 144

[३.११.९
पण
महापुराण वरवंदारयवंदहिं णेविउ पणवेप्पिणु अंकग्गइ ठविउ । को ण गणइ पुण्णपरिप्फुरिउ ईसाणे धवलछत्तु धरिउ । चमरइं विवंति अमराहिवइ साणक्कुमारमाहिंदवइ । धत्ता-जगु जित्तउ जेहिं णिम्मिउ तेहिं अणुयहिं देवहु देहु ।
तं सुइरु णियंतु दससयणेत्तु बिम्हिउँ पुलइयदेहु ॥११॥
पुणु पभणइ महुं हयकम्ममलु बहुलोयणत्तु जायउ सहलु । एहउं तिहुयणपरमेसरहो
जं दिट्ठर रूवु जिणेसरहो। इय घोसिवि पुणु पुणु जोइयउ इंद अइरावउ चोइयउ । परमेठ्ठि लएप्पिणु भमियगहे सच्छरु सामरु संचलिउ णहे। भंयसयई सणउयइं जोयणहं महि मुइवि ठाणु तारायणहं । तेत्थाउ सुदंसहकरपसरु - जोयणहि पसाहियसरयसरु । उप्परि दहहिं जि रवि परिभमइ पुणु असियहिं ससि सई संकमइ । चउहु जि रिक्खोहु णिरिक्खियउ पुणु तेत्तिएहिं बुहु लक्खियउ । तिहिं सुक्कु तिहिं जि सुरगुरु भणमि तिहिं अंग तिहिं सणि गणमि। सउ एम दहुत्तरु लंघियउ
सद्धायास वि आसंघियउ। सहसाइं गंपि अट्ठाणवइ
अवरु वि जोयणसउ तियसवइ । एत्तेण जि सोहइ दीहरिय जोयण पण्णास पवित्थरिय । अद्वैव समुण्णय हिमविमल अद्धिंदुसरिच्छी पंडुसिल । जहिं तहिं पत्तेण पवित्ततणु जय जय पभणंतें परमजिणु । देवाहिवेण तेल्लोक्कहिउ
तहि उप्परि सीहासणि णिहिउ । घत्ता-पहु सहइ णिसण्णु कंचणवण्णु असहियतेयपसंगु ।।
णं कुरुहकरेहिं वेल्लिहरेहिं मंदरु ढंकइ अंगु ॥१२॥
जिणणाहहु भावे मेरुगिरि णं हरिसे दावइ णिययसिरि । णं पर्णमइ फलभरणमियतरु णं घेल्लइ चमरीमय चमरु । णं कोइलकलरवेण चवइ
णं फलिहसिलासणाई ठवइ । पक्खालंतु व पहुकमकमलु
आणइ जवेण णिज्झरणजलु । लिंपइ व सविणय पणयवसेण करिणिहसणचुयचंदणरसेण । जोयइ व रूवु सु सियासियहिं अहिणवणलिणच्छिहिं वियसियहिं । णच्चइ व पणच्चियणीलगलु
गायइ व रुणुझुणियरणिय भसलु । णं कुसुमामोएं णीससइ
णं रयणरयणपंतिहिं हसइ। ५. MBP णमिउ । ६. MB पुण्णपविप्फुरिउ । ७. MBP विभिउ । १२. १. T णयसयई and explains it as णयसयइं इति पाठेऽप्ययमेवार्थः । २. P सुदूसह । ३. B
णिरेखियउ । ४. M सहसई गंपिणु; BP सहसा गंपिणु। ५. M सवित्थरय; BP सवित्थरिय । १३. १. M पणवइ । २. M घल्लय । ३. M सुझुणिय । ४. MBP°रुणिय ।