________________
अधिकार २ / श्लोक ५०-५९ / नमस्कारमहामन्त्रमहिमा
अच्छिन्नलच्छिवित्थड्ड-सामिभोइत्तवियरणपहाणं । रायामच्चाइविसिठ्ठ-लोयपयईबहुमयं च ॥७॥ जहचिंतियसंपजंत-सुंदरं दिन्नदुक्कहचमकं । पाविजइ मणुयत्तं, तं पि नमोकारफललेसो ॥७५॥ “जंपिय सव्वंगपहाण-लडहचउसद्विसहसवणियाणं । बत्तीससहस्समह-प्पभावभासंतसामंतं ॥७६॥ सुरपुरसरिच्छछन्नवइ- गामकोडीकडप्पदुप्पसरं । सुरलोयसरिसपुरवर-विसत्तरीलक्ख(सहस)संखालं ॥७७॥ बहुसंखखेडकब्बड-मडंवदोणमुह[पमुह] बहुवसिमं । दीसंतकंतसुंदर-संदणसंदोहदिनदिहं ॥७८॥ परचक्ककंपणाणप्प-दपपाइक्कचक्कसंकिन्न । पगलंतगंडमंडल-पयंडदोघुट्टथट्टिल्लं ॥७९॥ मणपवणजवणचंचल-खुरक्खय़खोणितलतुरंगालं । सोलसहस्सपरिसंख-रक्खकरक्खापरिक्खित्तं ॥८॥ नवनिहिचोद्दसरयण-प्पहावपाउन्भवंतसयललच्छं। छक्खंडभरहखेत्ता-हिवत्तणं लब्भए भुवणे ॥८१॥ तंपि हु किर सद्धा-सलिलसेयपरिवटियस्स तस्सेव । पंचनमोक्कारतरुस्स, कोवि फलविलसियवियारो ॥२॥ जंपि य सियदेवंऽसुय-संवुयसुरसयणसुंदरुच्छंगे। सिप्पिपुडंतो मोत्ता-हलं व उववज्जए तत्तो ।।८३॥ आजम्मं रम्मतणू, आजम्ममुदग्गजोवणावत्थो । आजम्मं रोगजरा-रयसेयविवज्जियसरीरो ॥४४॥ आजम्मं हारुवसहि-मंसरुहिराइतणुमलविमुक्को । आजम्मं अमिलायंत-मल्लवरदेवदूसधरो ॥८५॥ उत्तत्तजच्चकंचणतरुणदिवायरसमप्पहसरीरो। पंचप्पहरयणाऽऽहरण-किरणकब्बुरियदिसिचक्को ॥८६॥ अक्खंडगंडमंडल-लुलंतकुंडलपहापयासिल्लो।
रमणीयरमणअमरण-रमणीगणमणहरो किंच ॥८७॥ १ रक्खरक्खा परिखित्तं BJCPIजक्खरक्खा परिकिन्नं-इति संवेगरंगसाला। रक्खकजक्खपरिक्खित्तं-मु.॥
Jain Education International
For Private & Personal Use Only
www.jainelibrary.org
