________________
१३८
आचार्य श्रीवर्धमानसूरिरचिते स्वोपज्ञटीकासहिते धर्मरत्नकरण्डके
गावीरूवं काउं, अन्नह वच्चह एस पावोत्ति। सिस्सीहंति कुलिंगा, चोरेहिं पया विलुप्पिहिहि ॥१२॥ रायडमरेहिं दलिया, गामा होहिंति नाममेत्तेण । तस्स उदएण भरहं, होही बहुदुक्खपडिपुन्नं ॥१३॥ हिंडंतो द₹णं, पंचवि थूभे उ नंददव्वस्स । जाणेत्ता खणिऊणं, थूभे लेहिई तं दन्वं ॥१४॥ पासंडा फेडेही, भंजेवि करेहिं साहु पुण भिक्खं । पावो उ भोगवंतो, वारेही देवया तइया ॥१५॥ 'निमिहीजिही पुरं सव्वं, सोएणं गरुयगंगावाहेणं । सत्तरस उ तत्थ दिणा, देवो वासेही निच्चिद्धं ॥१६॥ सो धणपरियणसहिओ, वलासिओ नंददविणकयनिचओ। छुट्टेही महपावो पउरं वुभिहिइ गंगाए ॥१७॥ पच्छा तेण धणेणं, पुरं समारित्तु भुंजिही रज्जं । पाडिवओ आयरिओ, छुट्टेही तत्थ जोगेणं ॥१८॥ नयरे मिम्मायंगी, देवो वरिसिही होइइ सुभिक्खं । पडिएणवि कुंभेणं, न किणंता तत्थ होहिंति ॥१९॥ पुणरवि सो साहूणं, गोवाडनिसेहणं करेऊणं । मग्गिही भिक्खभागं, अइलुद्धो पावपडिबद्धो ॥२०॥ आयरिओ पाडिवओ, कप्पववहारधारओ तइया । संघसहिओ महप्पा, सक्कस्स य देवरन्नस्स ॥२१॥ काउं काउस्सग्गं, अच्छिही ताव जाव सक्कस्स। होही आसणकंपो, आगंतू सो वहेसी य ॥२२॥ छासीसो वासाणं, महराया होइऊण एवमओ। गच्छेही पुण नरयं, कक्कीरायत्ति मे कहियं ॥२३॥ सक्केण कक्किपुत्तो, दत्तो अणुसासिऊण जिणधम्मे । ठविओ सो पुण रज्जे, होही जिणसाहुपूयरओ ॥२४॥ तइया इंदवयारे, दिढे धम्मस्स गुरुपहामि ।
बहुलोओ जिणभत्तो, काही साहूण पूयाओ ॥२५॥ १BJPC-निमिनास्ति।
Jain Education International
For Private & Personal Use Only
www.jainelibrary.org
