________________
अभ्यास-48
विउसीहे पुत्त-बहूहे कहाणगु!
कहिं णयरि लच्छीदासु सेट्ठि वरीवट्टइ । सो बहुधण-संपत्तिए गविठ्ठ आसि । भोगविलासहिं एव लग्गु कयावि धम्मु ण कुणेइ । तासु पुत्तु वि एयारिसु अस्थि । जोव्वणि पिउए धम्मिग्रहो धम्मदासहो जहत्थनामाए सीलवईए कन्नाए सह पुत्तसु पाणिगहणु कराविउ । सा कन्ना जइयतुं अट्ठवासा जाया, तइयतुं नाए पिउ पेरणाए साहुणी सगासहु सवण्ण धम्म सवणे सम्मत्तु अणुव्वयइं य गहीयइं, सव्वण्ण धम्मि अईव निउणा संजामा ।
जइयहं सा ससुर मेहि आगया तइयतुं ससुराइ धम्महु विमुहु देखेवि ताए बहह संजाउ । कह मझु नियवय निव्वाहु होसइ ? कहं वा देवगुरुह विमुहहं ससुराइ धम्मोवएसु भवेस इ, एवं सा वियारेइ ।
एगया संसारु असारु, लच्छी वि असारा, देहु वि विणस्सरु, एक्कु धम्मु च्चिय परलोअपवन्न हं जीवहं प्राहारु त्ति उवएसदाणे नियभत्ता सव्वण्रण धम्में वासिउ कउ । एव सासू वि कालतरे बोहेइ । ससुर पडिबोहेवं सा समयु मग्गेइ ।
एगया ताहे घरि समणगुणगरणालंकिउ महब्वइ नाणी जोव्वणत्थु एक्कु साहु भिक्खसु समागउ । जोव्वणि वि गहीयवय संत दंत साहु घरे आगय देखेप्पिणु आहारे विज्जमाणे वि ताए वियारिय-जोव्वणे महन्वय महादुल्लह, कहं एतें एतहिं जोव्वणत्तणे गहीय ? इति परिक्खेवं समस्साहे उत्तर पुढें-अहुणा समउ न संजाउ किं पुव्वं निग्गया ? ताहे हियये गउ भाउ णाइ साहुए उत्तु-'समयनाणु', कया मच्चु होसइ त्ति नत्थि नाणु, तेण समय विणा निग्गउ । सा उत्तरु णाएवि तुट्टा । मुणिएं वि सा पुट्टाकइ वरिस। तुहं संजाया ? मुणि पुच्छाभावु णाइ वीसवासेहिं जाअहिं वि ताए बारसवासु त्ति उत्तु । पुणु 'तुज्झ सामि कइ वासा जापा' ति पुठ्ठ । ताहे पियहो पणवीसवासहि जाहिं वि पंचवासा उत्ता, एवं सासूहे 'छमासा' कहिया । मुणिएं ससुरहो पुच्छिउ, सो 'अहुणा न उप्पण्णु अत्थि' ति सद्दा भणिया ।
1. 'पाइयगज्जसंगहो' में प्रकाशित 'विउसीए पुत्तवहूए कहाणगं' का डॉ. कमलचन्द
सोगाणीकृत अपभ्रंश रूपान्तरण ।
184 ]
[ · अपभ्रंश अभ्यास सौरभ
Jain Education International
For Private & Personal Use Only
www.jainelibrary.org
