________________
पाठ - 11
सिप्पिपुत्तस्स कहा पिउणा सिक्खिओ पुत्तो पारं जाइ कलद्धिणो।
वण्णिओ जइ नो होज्जा जह सिप्पि अंगओ।। अवंतीए पुरीए इंददत्तो नाम सिप्पिवरो अहेसि, सो सिप्पकलाहि सव्वंमि जयंमि पसिद्धो होत्था। इमस्स सरिच्छो अन्नो को वि नत्थि। एयस्स पुत्तो सोमदत्तो नाम। सो पिउस्स सगासंमि सिप्पकलं सिक्खंतो कमेण पिअराओ वि अईव. सिप्पकलाकुसलो जाओ। सोमदत्तो जाओ जाओ पडिमाओ निम्मवेइ तासु तासु पिया कंपि भुल्लं दंसेइ, कया वि सिलाहं न कुणेइ। तओ सो सुहुमदिट्ठीए सुहुमसुहुमं सिप्पकिरियं कुणेऊण पियरं दंसेइ, पिया वि तत्थ वि कंपि खलणं दरिसेइ, 'तुमए सोहणयरं सिप्पं कयं' ति न कयाइ तं पसंसेइ। अपसंसमाणे पिउम्मि सो चिंतेइ'मम पिआ मज्झ कलं कहं न पसंसेज्जा ?' तओ एआरिसं उवायं कहेमि, जेण पियरो मे कलं पसंसेज्ज।
एगया तस्स पिआ कज्जप्पसंगेण गामंतरे गओ, तया सो सोमदत्तो सिरिगणेसस्स सुंदरयमं पडिमं काऊण, पडिमाए हिट्ठमि गूढं नियनामंकियचिण्हं करिऊण, तं मुत्तिं नियमित्तद्दारेण भूमीए अंतो निक्खेवं कारेइ। कालंतरे गामंतराओ पिया समागओ। एगया तस्स मित्तो जणाणमग्गओ एवं कंहेइ- 'अज्ज मम सुमिणो समागओ, तेण अमुगाए भूमीए गणेसस्स पहावसालिणी पडिमा अत्थि।' तया लोगेहिं सा पुढवी खणिआ, तीए पुहवीए गणेसस्स सुंदरयमा अणुवमा मुत्ती निग्गया। तइंसणत्थं बहवे लोगा समागया, तीए सिप्पकलं अईव पसंसिरे। __तया सो इंददत्तो वि सपुत्तो तत्थ समागओ। तं गणेसपडिमं दणं पुत्तं कहेइ- “हे पुत्त ! एसच्चिअ सिप्पकला कहिज्जइ। केरिसी पडिमा निम्मविआ, इमाए निम्मावगो खलु धण्णयमो सलाहणिज्जो य अत्थि। पासेसु, कत्थ वि भुल्लं खुण्णं च अत्थि ? जइ तुम एआरिसीं पडिमं निम्मवेज्ज, तया ते सिप्पकलं पसंसेमि, नन्नहा।"
1.
डॉ. राजाराम जैन द्वारा सम्पादित ‘पाइयगज्जसंगहो' (प्राच्य भारती प्रकाशन, आरा) में प्रकाशित कथा।
प्राकृत गद्य-पद्य सौरभ भाग-2
Jain Education International
For Personal & Private Use Only
www.jainelibrary.org
