________________
24. बहुयदिवसेसु देसो, जो वोलीणो कुमारसीहेहिं।
सो भरहेण पवन्नो, दियहेहिं छहि अयत्तेणं ।।
सो चक्खुगोयराओ, तुरयं मोत्तूण केगईपुत्तो। चलणेसु पउमणाहं, पणमिय मुच्छं समणुपत्तो।।
पडिबोहिओ य भरहो, रामेणालिङ्गिओ सिणेहेणं। सीयाएँ लक्खणेण य, बाढं संभासिओ विहिणा॥
27. भरहो नमियसरीरो, काऊण सिरञ्जलिं भणइ राम।
रज्जं करेहि सुपुरिस! सयलं आणागुणविसालं ।।
28.
अहयं धरेमि छत्तं, चामरधारो य हवइ सत्तुंजो। लच्छीहरो य मन्ती, तुज्झऽन्नं सुविहियं किं वा?॥
29. जाव इमो आलावो, वट्टइ तावं रहेण तूरन्ती।
तं चेव सुमद्देसं, संपत्ता के गई देवी॥
30.
ओयरिय रहवराओ, पउमं आलिङ्गिऊण रोवन्ती। संभासेइ कमेणं, सीयासहियं च सोमित्तिं ॥
31. तो केगई पवुत्ता, पुत्त! विणीयापुरिम्मि वच्चामो।
रज्जं करेहि निययं, भरहो वि य सिक्खणीओ ते॥
प्राकृत गद्य-पद्य सौरभ
Jain Education International
For Private & Personal Use Only
www.jainelibrary.org
