________________
30.
31.
32.
33.
34.
35.
37.
गन्तूण निययजणणी, आउच्छइ राहवो कयपणामो । अम्मो ! वच्चामि अहं, दूरपवासं खमेज्जासु ॥
74
सुणिऊण वयणमेयं, सहसा तो मुच्छिऊण पडिबुद्धा । भणइ सुयं रोवन्ती, पुत्तय! किं मे परिच्चयसि ? ॥
कह कह वि अणाहाए, लद्धो सि मणोरहेहि बहुएहिं । होहिसि पुत्ताऽऽलम्बो, पारोहो चेव साहाए ॥
भरहस्स मही दिन्ना, ताएणं केगईवरनिमित्तं । सन्तेण मए नेच्छइ, एस कुमारो महिं भोत्तुं ॥
दिक्खाभिहो राया, पुत्तय! दूरं तुमं पि वच्चिहिसि । पइ - पुत्तविरहिया इह, कं सरणमहं पवज्जामि ? ।।
36. जणणीऍ सिरपणामं, काऊणं सेसमाइवग्गस्स । पुणरवि य नरवरिन्दं, पणमइ रामो गमणसज्जो ॥
विञ्झगिरिमत्थए वा, मलए वा सायरस्स वाऽऽसन्ने । काऊण पइट्ठाणं, तुज्झ फुडं आगमिस्सं हं ॥
आपुच्छिया य सव्वे, पुरोहिया - ऽमच्च - बन्धवा सुहडा । रह-गय- तुरङ्गमा वि य, पलोइया निद्धदिट्ठीए ॥
Jain Education International
For Private & Personal Use Only
प्राकृत गद्य-पद्य सौरभ
www.jainelibrary.org
