________________
6. सो पिउणा सह गेहे आगओ। वहुं पुच्छइ- किं माउपिउणो अव-माणं कयं? साहुणा सह वट्टाए किं असच्चमुत्तरं दिण्णं?' तीए उत्तं- 'तुम्हे मुणिं पुच्छह, सो सव्वं कहिहिइ।' ससुरो उवस्सए गंतूण सावमाणं मुणिं पुच्छइ- 'हे मुणे, अज्ज मम गेहे भिक्खत्थं तुम्हे किं आगया?' मुणी कहेइ- 'तुम्हाण घरं ण जाणामि, तुमं कुत्थ वससि?' सेट्ठी वियारेइ 'मुणी असच्चं कहेइ।' पुणरवि पुढे- 'कत्थ वि गेहे बालाए सह वट्टा कया किं?' मुणी कहेइ- ‘सा बाला अईव कुसला, तीए मम वि परिक्खा कया।' तीए हं वुत्तो- 'समयं विणा कहं निग्गओ सि?' मए उत्तरं दिण्णं“समयस्स- 'मरणसमयस्स'- नाणं नत्थि, तेण पुत्ववयम्मि निग्गओ म्हि।" मए वि परिक्खत्थं सव्वेसिं ससुराईणं वासाइं पुट्ठाई। तीए सम्म कहियाइं। सेट्ठी पुच्छइ- 'ससुरो न जाओ इअ तीए किं कहियं?' मुणिणा उत्तं- 'सा चिय पुच्छिज्जउ, जओ विउसीए तीए जहत्थो भावो नज्जइ।
7. ससुरो गेहं गच्चा पुत्तवहुं पुच्छइ- 'तीए मुणिस्स पुरओ किमेवं वुत्तंमे ससुरो जाओ वि न।' तीए उत्तं- "हे ससुर, धम्महीणमणुसस्स माणवभवो पत्तो वि अपत्तो एव, जओ सद्धम्मकिच्चेहिं सहलो भवो न कओ सो मणुसभवो निप्फलो चिय। तओ तुम्ह जीवणं पि धम्महीणं सव्वं गयं! तेण मए कहिअं-मम ससुरस्स उप्पत्ती एव न।" एवं सच्चत्थाणे तुट्ठो धम्माभिमुहो जाओ। पुणरवि पुढे- 'तुमए सासूए छम्मासा कहं कहिआ?' तीए उत्तं 'सासुं पुच्छह' । सेट्टिणा सा पुट्ठा। ताए वि कहिअं- “पुत्तवहणं वयणं सच्चं, जओ मम सव्वण्णुधम्मपत्तीए छम्मासा एव जाया, जओ इओ छम्मासाओ पुव्वं कत्थ वि मरणपसंगे अहं गया। तत्थ थीणं विविहगुणदोसवट्टा जाया।"
98
प्राकृत गद्य-पद्य सौरभ
Jain Education International
For Private & Personal Use Only
www.jainelibrary.org
