________________
14. अप्पा बुज्झिउ णिच्चु जइ केवलणाणसहाउ।
ता पर किज्जइ काई वढ तणु उप्परि अणुराउ॥
15.
जसु मणि णाणु ण विप्फुरइ कम्महं हेउ करंतु । सो मुणि पावइ सुक्खु ण वि सयलई सत्थ मुणंतु॥
16.
बोहिविवज्जिउ जीव तुहुं विवरिउ तच्चु मुणेहि। कम्मविणिम्मिय भावडा ते अप्पाण भणेहि॥
17.
ण वि तुहं पंडिउ मुक्खु ण वि ण वि ईसरु ण वि णीसु। ण वि गुरु कोइ वि सीसु ण वि सव्वई कम्मविसेसु ॥
18.
ण वि तुहं कारणु कज्जु ण वि ण वि सामिउ ण वि भिच्चु । सूरउ कायरु जीव ण वि ण वि उत्तमु ण वि णिच्चु ॥
19.
पुण्णु वि पाउ वि कालु णहु धम्मु अहम्मु ण काउ। एक्कु वि जीव ण होहि तुहं मिल्लिवि चेयणभाउ॥
पुण्णु
20.
ण वि गोरउ वि सामलउ ण वि तुहं एक्कु वि वण्णु। ण वि तणुअंगउ थूलु ण वि एहउ जाणि सवण्णु॥
112
अपभ्रंश काव्य सौरभ
Jain Education International
For Private & Personal Use Only
www.jainelibrary.org
