________________
पाठ ३
महापुराण
छुडु चक्कई हत्थुग्गामियाइं । छुडु सेल्लई भिभच्छेहि भामियाई । छुडु कुंतहि धरियई सम्मुहाई । धूमंधइ जायई दिम्मुहाई । छुडु मुट्ठिणिवेसिय लउडिदंडु | छुडु पखुज्ज गुणि णिहिय मंडु | छुडु गय कायर थरहरियपाण । छुडु ढोइय संदण णं विमाण | छुडु मेट्ठचरणचोइयमयंग छु आसवारवाहियतुरंग ॥ घत्ता ॥ छुडु छुडु कारणे वसुमइहे । सेण्णई जाम हणंति परोप्परु । अंतरि ताम पइट्ठ तहिं । मंति चवंति समुब्भेवि वरकरु ॥ विहि वलहं मज्झे जोमुयइवाण । तहो होसइ रिसहहो तणिय आण । तं णिसुणेवि सेण्णई सारियाई । चडियई चावई उत्तारियाई । तं णिसुणेवि रहसाऊरियाई। वज्जंतइं तूरई वारियाई । तं णिसुणेवि धारापहसियाई । खग्गइं पडियारि णिवसियाई । तं णिसुणेवि णद्धंगइ घणाई । णिम्मुक्कई कवयणिवंधणाई। तं णिसुणेवि मय मायंग रुद्ध । पडिगयवरगंधालुद्ध कुद्ध । तं णिसुणेवि मच्छरभावभरिय । हरि फुरुहुरंत धावंत धरिय । रह खंचिय कड्डिय पग्गहोह वारिय विंधंत अणेय जोह ॥ घत्ता ॥ परिसेसियरणपरियरई । गुरुयणचरणसवहंसण्णिहियां । सेण्णई उज्झियकलयलई थक्कइं। कोड्डिणाइं आलिहियां ॥ ८ ॥ पणमियसिरेहिं मउलियकरेहिं । वाहुवलि भरहु महुरक्खरेहिं । उग्गमिउंरोसुपसमंतएहिं । विण्णि वि विण्णिविय महंतएहिं । तुम्हई विणि वि जयलच्छिगेह । तुम्हई विण्णि वि जण चरमदेह । तुम्हई विण्णि वि अखलियपयाव । तुम्हई विण्णि वि गंभीरराव । तुम्हइं विण्णि वि जगधरणथाम तुम्हई विण्णि वि रामाहिराम । तुम्हई विण्णि वि सुरह मि पयंड । महिमहिलहि केरा वाहुदंड । तुम्हइं विणि वि णिवणायकुसल णियतायपायपंकरुहभसल । तुम्हई विण्णि वि जण जणहो चक्खु । इच्छहु अम्हारउ धम्मपक्खु । खरपहरणधारादारिएण। किं
अपभ्रंश - पाण्डुलिपि चयनिका
Jain Education International
For Private & Personal Use Only
(81)
www.jainelibrary.org
