Apbhramsa Pandulipi Chayanika

SR No.: 002683
Original Sutra Author: N/A
Author: Kamalchand Sogani
Publisher: Apbhramsa Sahitya Academy
Publication Year: 2007
Total Pages: 126
Language: Apbhramsa, Hindi
Classification: Book_Devnagari & Literature
File Size: 9 MB

Page 124

एइ। हा णिरवराह हउ दइय दुट्ठ। किं कारणि मारी ण्णे किट्ठ। विलवंत थक्क इम जणणि तासु । णिसुणहु सुअ भावण फल पयासु। अइ किंण्ह रयणि भय भिण्णु मित्तु । अडविह भमंतु गिरि गुहहिं पत्तु । सा कंपिय पिच्छिवि वारि थक्कु। एक्कल्लउ उग्घाडण असक्नु। गु......... वि पुणु आयउ। अकयपुण्ण तणु छंडिवि सुहमणु। मुणिवयणें संचिवि वहुसुह धणु। पढमसग्गि उप्पण्णउ सुरवर। संजायउ सो वहु सोहाधरु। रयणाहरणविहूसियगत्तउ। अच्छरगणु पणुवइ ससिवण्णउ। जय जय सरु भणंति सेवयसुर। सग्गभूमि अवलोइवि सो किर। चेतइ को हउं के महु किंकर। को पएसु इहुँ को जुवईवर। इय चिंतंतें अवहि उवण्णी। जाणि सग्गभूमि इह धण्णी॥ घत्ता॥ ए सुरवर किंकर ए अच्छरवर। इहु विमाणु इह भूइपर। मइ किं चिरु चिण्णउं। जं उप्पण्णउं। आइवि अजु जि एथु धरी॥१७॥ हउ होंतउ दुख दलिद्ध जडिउ। पुव्वकिय दुक्कमेण णडिठ। णिव्वंधउ छुह तिस समेभरिउ। जणणिए सहुं देसंतरु फिरिउ। थकइ असोय मा महु जि घरि। हउ अथि पवट्टिउ तहिं पवरि। मइ दाणु पदिण्णउं मुणिवरहु। सहु जणणिंए णेहणिय भवसरहु । हउं वच्छउलइ रखणहं गउ। तहिं सुतउ जावहिं विगयभउ। पवणाहय ते णिय आय घरि। हउं भय भीयउ कंदरि विवरि। थकउ तहिं। आयमु वहु सुणिउं। संसार सरूवउ वि चित्ति मुणिउं। जाणिवसमि ता सेंघेण हउं। हउ सुरवर जायउ चिय विवठ। मुणिवयणिपसाएं दुक्खभरु। छेदिवि खणि जायउ सुक्खघरु। एत्तहि तहु मायरे दुहभरिया। महदुक्खें खविय विहावरिया। हुय सुप्पहाए सयल जि मिलिय। सहुं जणणिए तं जोयहुंचलिया। सव्वथ वणम्मि गवेसियउ। मह सोएं पुरजणु सोसियउ॥ घत्ता॥ तहुँ खोज्जु णियंतई जंतई संतई पत्तइं। गिरि गुह वारि पुणु। तहिं तहु कर चलणइं। वहु दुह जणणइं। दिट्टइं दहदिसि पडिय तणु॥ १८॥ मुच्छाविय जणणि णिएवि ताई। सयल वि दुक्खाविय तेत्थु ट्ठाई। उम्मुच्छिवि मायरि मुइवि धाह। रोवणहं लग्ग हा हुय अणाह । हा हा महु णंदणु हउं सदुक्खि। किं मुक्की णिक्कारणि उवेक्खि। वारंतहं सव्वहं गयउ काई। हा हा किं णायउ गेह ट्ठाई। कि कुमइ जाय तुव एह पुत्त। जं वणि आवासिउ कमलवत्त। मह छंडि गयउ तुहं की विएसि। हउं पाण चयमि पुणु इह पएसि। इय भणिवि चलण कर मेलवेवि। आलिंगइ जा णेहेण लेवि। ता सुरवरु चिंतइ सग्गवासि। किम जणणि मज्झ हुव मोखरासि। जाईवि संवोहमि ताहिं अजु। जिम सिज्झइ तहिं परुलोइ कज्जु । अण्णु वि णियगुरु चणारविंद।
अपभ्रंश-पाण्डुलिपि चयनिका
(109)
Jan Education International