Page Text
________________
रयणायरु। कमलिणिहि व अत्थवण दिवायरु। कुमुइणिहि व जढर मयलंछणु। विजुहि व्व अत्थवण दिवायरु। कुमुइणिहि व जढर मयलंछणु। विजुहि व्व छुडु वरिसिय घणु। अमर वहूहि व चवण पुरंदरु। गिंभ दिसाहि व अंजण महिहरूं। भमरावलिहि च सूडिय तरवरु। कलहंसीहिं म्व अजलु महासरु। कलयंठीहि व माहव णिग्गमु। णाइणिहिं व हय गरुड भुयंगमु । वहुल पउसु व तारा पंतिहिं । तेम दसास पासु ढुक्कंतिहिं। दससिरु दससेहरु दसमउडउं। गिरि व सकंदरु सतरु सकूडउं॥ घत्ता॥ णिएवि अवत्थ दसाणणहो। हा हा सामि भणंतु सवेयणु। अंतेउरु मुच्छा विहलु णिवडिउ महिहि झत्ति णिच्यणु॥६॥ तारा चक्कु व थाणहो चुक्कउ। दुक्खु-दुक्खु मुच्छए आमुक्कउ। लग्ग रुएव्वए तहि मंदोयरि। उव्वसि रंभ तिलोत्तिम सुंदरि। चंदवयण सिरिकंताणुद्धरि कमलाणण गंधारि वसुंधरि। मालइ चंपयमाल माणाहरि। जयसिरि चंदणलेह तणूअरि। लच्छि वसंतलेह मि..... तिह तिह दुक्खेण रुवइ सहरिवलवाणरलोउ। दुम्मणु दुम्मण वयणउं। अंसु जलोल्लिय णयणउ। दुकु कइद्धय सद्धर जहि रावणु पल्हत्थउ॥ तेण समाणु विणिग्गिय णामेहिं। दिट्ठ दसाणणु लक्खण रामेहिं। दिदैई समउड सिरई पलोट्टई। णाई सकेसराई कन्दोद्रई। दिट्ठई भालयलई पायडियई। अद्धयंद विवाइ व पडियइं। दिलुइं मणि कुंडलई सतेयइं णं खय रवि मंडलई अणेयई। दिट्ठउ भउहउ भिउडि करालउ। णं पलयग्गि सिहउ धूमालउं। दिट्ठई दीह विसालइ णेत्तइ मिहुणा इव आमरणारत्तई। मुहकुहरई दट्ठोट्टई दिट्ठइं। जमकरणाई व जमहो अणिट्ठइं। दिट्ठ महब्भुव भडसंदोहें। णं पारोह मुक्का णयोहे। दिट्ठ उरत्थलु पाडिउ चक्के। दिण मज्झु अ मज्झत्थे अक्के। अवणियल व विंझेण विहंजिउ। णं विहि भाएहिं तिरु व पुंजिउ॥ घत्ता॥ पेक्खवि रामेण समरंमण मुहाइ। आलेंगिप्पिणु धीरिउ। रुअहि विहीसण काई॥१॥ सो मुउ जो मय मत्तउ। जीव दया परिचत्तउ। वय चारित्त विहूणउ। दाण रणं दीणउ॥ब॥ सरणाइअ वंदिग्गहे गोयहे। सामिहे अवसरे मित्त परिग्गहे। णिय परिहवे परि विहुरि ण जुज्जइ। तेहउ पुरिसु विहीसण रुज्जइ। अण्णई दुक्किय कम्म जणेरडं। गउंआउ पावभारु जसु केरठं। सव्वंसहे वि सहेवि ण सक्कइ। अहो अण्णाउ भणंति ण थक्कइ। वेवइ वाहिणी कि मिइ सीसहि। धाहावइ खजंती उसहि। छिज्जमाण वणसइ उग्घासइ। कइहुं मरणु णिरासहो होसइ। पवणु ण भिडइ भाणु कर खंचइ। धणु रावल चोरग्गिहुं संचई। विंधइ कंटहि व दुव्वयणेहिं। विस रुखु व मण्णिज्जइ
अपभ्रंश-पाण्डुलिपि चयनिका
Jan Education International
For Private & Personal use only
www.jainelibrary.org
| SR No. | 002683 |
| Book Title | Apbhramsa Pandulipi Chayanika |
| Original Sutra Author | N/A |
| Author | Kamalchand Sogani |
| Publisher | Apbhramsa Sahitya Academy |
| Publication Year | 2007 |
| Total Pages | 126 |
| Language | Apbhramsa, Hindi |
| Classification | Book_Devnagari & Literature |
| File Size | 9 MB |