________________
१९८
महाभक्तिगर्भा सर्वज्ञविज्ञप्तिका
केवलमभावि भदाण', दीहसंसारियाण जीवाणं। तुह वयणं दुन्नेयं, दुरणुढेयं दुसद्धेयं ॥ ११ ॥ तुहणुग्गहं विणा पहु, पभूयघणकम्मबंधणं जणियं । तत्तो अ सप्पवित्ती, तुहणुग्गहं जोगया ण तओ॥ १२॥ इय पुणरुत्तमणंतं, दुरंतभवचक्कगो किलिस्संतो। लोए पइक्खपएसुं, जाओ य मओ य बहुसोऽहं ॥ १३ ।।
ओसप्पिणी असंखा, लोगा य गया जलग्गिभूपवणे। निवसंतस्स तरुभुय-तेणंतगुणा मह अईया॥ १४॥ बितिचउपणिंदियत्तं, सुरनइनरयत्तणं च भवकूवे। बहुसो पाविय पुणरवि, अरहट्टघडिव्वभमिरोहं ॥ १५ ॥ कत्थइ कुप्पवयण-बोहिवासिउ नासिओ सढगुरुहिं । तुह मय भवमन्निय, देव! भीमभवसंकडे पडिओ॥ १६ ॥ तुह • पवयणं पि पाविय, संभावियसाहु सावगत्तंपि। कुग्गह-कुगुरुहओ पुण, अणंतखुत्तो दुहं पत्तो॥ १७ ॥ कत्थवि समत्थकुतित्थि-सत्थमत्थयमणिव्व भविय अहं । बहुलोयमुप्पहि पाडिऊण भमिओ भवकडिल्ले॥ १८॥ तत्थ य जम्मण-जर-मरण-रोग-सोग-प्पओगवसगस्स। किं किं ण दुहं का का, ण आवया आसि मे बहुसो॥ १९ ॥ धुव मे चिरं निरंतर-मोह तमोहं धलोयणेण मए । तिहुयणपयडो वि तुमं, नाह! न दिट्ठो न य गविट्ठो॥ २० ॥ संपइ पुण संभावेमि अप्पणो तुम्हं दंसणं देव!। नियहिययभंतरफुडफुरंत तुह भत्तिराएण ॥ २१॥ मन्नामिय अहमहुणा, दढमवगूढो व्व तिहुयणसिरीए । सिद्धिपुरं धीए कडखिउव्व खित्तोव्व अमियदहे ॥ २२ ॥
१. 'सद्दाण' इति अ०। ३. 'वयं' इति अ०।
२. 'भमिगेहं' इति अ०। ४. 'तु सुदंसणं' इति अ०।
Jain Education International
For Private & Personal Use Only
www.jainelibrary.org
