________________
१७८
चतुर्विंशतिजिनस्तोत्राणि
रयमहणमिहुणरासिम्मि तमिह माहस्स सुद्धबीयाए। जाओऽसि कंचणंबुरुहगब्भदलसच्छ हच्छाओ ॥ ३ ॥ माहसियबारसीए, छटेण महीवईसहस्सजुओ। जह तं जिण! निक्खंतो, तह को अन्नो विणिक्खमइ॥ ४॥ पोससियचउद्दसीए, सहसंबवणम्मि केवलालोयं । तं पत्तोऽसि अणंतं, अट्ठारसवरिसचरिमम्मि ॥ ५ ॥ अपुणागमं गई गय! वइसाहसिय? मीए सम्मेए। पन्नासपुव्वलक्खे, सव्वाउय देव! कुणसु सुहं ॥ ६॥
५. सुमतिजिनस्तोत्रम् सुरगिरिमिलियामरविसरविहियजम्माभिसेयपरममहं। पायडियपंचमगई सुमइं२ सुमइं पणिवयामि॥ १॥ गुणरयणावण! सावणसियबीयाए तुमं जयंताओ। निप्पडिमकलाकोसल! कोसलनयरम्मि अवइन्नो ॥ २॥ तं पुरिससीह ! सीहे, रासिम्मि अट्ठमीए वइसाहे। सुद्धाए धोतकलहोय सच्छहो देव! जाओऽसि ॥ ३॥ वइसाहसुद्धनवमीऍ निच्चभत्तेण भुवणपणयपओ। अणगारियं पवन्नोऽसि, देव! निवदससयसमेओ॥ ४॥ चित्तस्स सुद्धएक्कारसीएँ सहसंबवणगयस्स तुहं । केवलनाणमणंतं, जायं जिण! वीसवरिसंते ॥ ५ ॥ सम्मेयम्मि सिवं गय, इह ठाउं पुव्वलक्खचालीसं। चित्ते सियनवमीए, सुमइमहं सुमइसुह णेहि ॥ ६ ॥
६. पद्मप्रभजिनस्तोत्रम् भत्तिभरबंधुरामर - भमरावलिलीयमाणपयपउमं । पउमप्पहं महापहमप्पहियत्थं थुणिस्सामि॥ १॥
१. विरमम्मि इति जे०। ३. अवयरिओ इति प्र०म० ।
२. जिणिंद इति का०छा० । ४. पाविय इति का०छा० ।
Jain Education International
For Private & Personal Use Only
www.jainelibrary.org
