Page Text
________________
पढमो पभावइलंभो पसंसणं असहमाणो आयरिय-सगासे अवधारेऊणं पवयणाणुरागेणं आयरित-निओएण य तेसिं मज्झिल्ल-लंभाणं गंथणत्थे अब्भुज्जओ हं । तं सुणह
इतो पुत्र-कहाणुसारेणं चेव सावत्थीए नयरीए कामदेव'-सेट्ठि-सुताए [बंधुमतीए] एणियपुत्त-नरेंद-सुताए य पियंगुसुंदरीए वसुदेव सुवि(?)परिणीताओ । वसुदेवो एणियपुत्त-नरेसर-मंदिरोदर-गतो पंचलक्खण-विसयसुह-सागैरोगाढो सुरवहु-सहितो इव सुरवरो अभिरमइ । जाणइ तं पि कालं ण णाहिच्छए (१) । तं च कहं वसुदेवो सयमेव पज्जुण्ण-संबादीण कुमाराणं परिकहेइ । भणइ यणत्तुया ! सुणह
एवं मे तत्थ दइया-जुयल-सहियस्स सुहेण वच्चति कालो । अह अण्णया कयाई अहं तासु चेव सहितो पमदेवण-गतो अभिरमंतो अच्छामि । नवरि त पेच्छामो णय लेणं णाणा-मणि-कणग-रयण-भूसण-करालं एग विज्जाहर-कुमारगे एज्जमाणं । सो य णव-सरय-काल-सयलोदित-मितंक-मंडल-विमल-सुद्धतर-सोम्मवयणो मम पियासहियस्स पेच्छंतस्सेव झत्ति पुरतो समोवइतो, णिवडिओ य में पाए । लक्खि ओ य मए बालचंदा-त्रयण-सारिक्खयाए, अवस्स दाणि एसो तीय भात त्ति । तेण य पणमंतेण भणिय-अज्जपुत्त ! अहं गगणवल्लह-पुराहिवस्स चंदाभस्स विज्जाहर-राइणो मीण केसाए देवीए अत्तओ बालचंदाए विज्जाहरीएँ जेट्ठो भाता चंदजसो नाम तुह पाद-किंकरो, पाताण ते पणिवदामि, वेगवति-बालचंदाओ य ते पादवडणं करेंति सरीर-सुहं चेटा च पुच्छंति-त्ति तेण भणिते तओ में वेगवति-णाम-गहण-पुलइय-गत्तेणं भणितो" कुमारो--भद्दमुह ! सागतं ते ! अत्थि किंचि कुसलं मम पिताए वेगवईए पियकारिणीए बालचंदाए ! त्ति । तेण यं विणय-रइयंजलिउडेण पणतेणं भणितं-देव ! तुह चलण-पसाएण सव्वं कुसले, केवलं तुह विरह-दुक्खं बाधति -त्ति बेंतेण पणामितो मे तेण वेगवति-बालचंदाण संतिओ लेहो । ततो मया वेगवति-बहुमाणेणं हरिस-सुप्फुल्ल-लोयणेणं 'मह वसणसहाइक' त्ति चितयंतेण ईसि अंसुलवोगलित-पप्पुतच्छेणं, गहिओ से लेहो, निवेसितो
१. ववसिहि खं० विना ॥ २. एणयपुत्तनरिंद' ख०. विना ॥ ३. पणियपुत्तनरेंदरसरमंदरोदर० ख० ॥४. ०गरागा० ख० ॥ ५. पमदा० खं ॥ ६. ०यले णाणा० ख. विना ॥ ७. ०सोमव० खं. विना ।। ८. समाव. खं० विना ॥ ९. भाउ त्ति ख० विना १०. ०५ काणाए जे० ख०॥ ११. •तो मे कु० खं० ॥ १२. कुशलं ख० ॥१३. म विताए खं० विना ॥ १४. चिंतिय खं० विना ।। १५. पप्फुत खं०॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |