________________
ससरसमो मलयसेणा-लंभो अण्णया य ममं सागरदत्ता भणइ-अहो ! अअउत्तेण 'परिद्ववियं इम रज्जं सवओ वि निभयं जायं, परं दमिल-रण्णो सुमुहस्त पासाओ संपयं भयमस्थि त्ति । मया भणिया-पिए ! कत्थ सो सुमुह-राया ? तोए भणियंसो इओ अम्ह रज्जस्स पुन्व-दाहिणेणं अणंतरं सलिलंतरिमो 'मिडा णाम जणवो। तत्थ णगरं णागपुरं । तत्थ राया सुमुहो णाम । तस्स य अम्हं चिरप्पभिई विरं] पयत्तं । तं जइ अज्ज उत्तो केणइ उवाएणं सुमुह-रायस्स सगासामो सागरसेणस्स दारिया संबंधं करेज्ज, तओ मे णिक्कंटयं हवेज्ज । मया भणियं-पेसेहामि से दूयं, अवस्स दाहिइ कण्णगं ति । ताहे मया विसज्जिो कोसंबको तस्स दूओ कण्णगा-कज्जेणं । भणिओ य मे दूतो-भो ! पुवं ताब ममं महासिंध-जामाउकं ति जाणेज्जासि, पच्छा मम संतियं वयणं ति । सागरसेणेण भणियं-देव ! जाणइ च्चिय तुम्भे तेण(?जेण) वग्घामच्च-णिग्गहण-पगासिय-माइया । मवि य, संदिलं चिय मे दुतेसु तेण जहा-जइ णिययभगिणी-पइयं मम सगासं विसज्जेहि, तओ ते अहमवि पच्चुवगारं काहामि । एएण कारणेणं जाणामि जहा जाणइ सो तुम्भे(हिं) ति ।
___ तो मया विसज्जिो गओ दूओ। अह य कस्सइ कालस्स परिदृयसहिओ पडियागमओ, ममं सागरसेणस्स य रण्णो सागरदत्ता-समक्खं परिकहेइ. भणइ य-सुणह, अम्हे एत्तो पयाया अंतरोदगं णावासु लंघेऊणं सत्तहिं अहोरत्तेहिं उवागया मो मळ[य] ऊर(?ड)-निविट्ठ णागपुरं णगरं । पडिहार-पुल्व-सिद्रा य. पविद्रा मो रायकुलं । दिट्ठो य अम्हेसु राया सुवण्ण-भूमिगा-निसण्णा मंतिजण-परियालो । पणामियं च से मया निखिलं पण्णागारं । निवेइयाणि य अज्जउत्त-दत्ताई सासणाई । कहियं च से कण्णा-वरण-कारणं ति । दिण्णावासा य ठिया । सर्व मे सुविहियं कयं । णवरं च मतीसु सह पेयालेऊणं तेण कस्सइ कालस्स पुणो आहूया मो, भणइ य-भो ! जाणामि अहं महासिंह-जामाउगं सिद्धाएस-वयणाओ, सागरसेणं पि जाणामि । मम य अस्थि दुवे कण्णगाओ नागजसादेवीए अत्तियामओ जहा [एक्का] मलयसेणा णाम, बीया जसदत्ता णाम । तं जइ से भगिणी-पई मलयसेणं कण्णं पडिगिण्हइ, तओ जस
१ पतितथियं ख०मो०विना ॥ २.इमिडा खं० विना ॥ ३. णिबद्धं ख०मो विना ।। ४. देण्णाई ख०मो०बिना० ॥
Jain Education International
For Private & Personal Use Only
www.jainelibrary.org
