Page Text
________________
पण्णरसमो कणगवई-लंभो भणित-सामण्ण-समस्सिता, विहरिदूणं, महं उवरिं अव्वोच्छिण्ण-सिणेहाणुरागा, माराधणा-पदं चुक्का, काल-गदा य समाणी, मम चेव अग्ग-महिसी समुप्पण्णा । तस्थ वि य णे परो सिणेहो आति । भोत्तम य देव-सुहं देवो दमदंती हस्तद्वितियतरत्ताए मम पासादो पुवतरं चुता । चइ ण य इधं हरिचंदग्ग-महिसीए सुता जाता। पुव-भव-बद्धाणुरागेण य मया एतोय जम्मे साहराविताओ से जम्मभवणे णेगाओ कणग-णिधीओ । कणग-णिधि-लंभे य पितुणा से कणगवती णामं कतं । कमेण य परिवढिता गहित-कलाभिधाणा जोवणत्था जाता ।
अण्णदा य अहं सपरिवारो महाविदे वासं सुपम्हविजयं विमलस्सामितिस्थकर-वंदओ अवतिगो । सो य मे विधि सुत-धम्मेणं धम्म-विरामें पज्जुवासमाणेण पुच्छिदो--भगवं ! अस्थि मे इ.। 'चुतस्स हवेज सुलभा बोही, आसण्ण-भव-सिद्धियत्तणं वा मम किंचि अस्थि ?:त्ति । तेण भगवया अहं भणिओ--इमो चउत्थे भवे सिज्झिहिसि त्ति । तं च सोऊणं परितुद्वो हं । तो मए पुणो पुच्छिो तिहुअण-गुरू कणगवइ-कज्जे ओबद्व-सिणेहाणुरत्तेणं--भगवं ! जंबुद्दीव-भरहे पेढपुर-पत्थिव-सुआ कणगवई, सा भविआ अभविआ वा ? एयं णे परम-गुरु ! परिकहेह । भगवया आणत्तं--सा चरिम-सरीरा एयम्मि चेव भये सिज्झिहि [ति त्ति । मया भणियं - भगवं ! सा किं भुत्त-भोगा सिज्झिहिति अभुत्तभोगेहिं [वा] ? भगवया आणतं-भुत्त-भोगा णिक्खि (क्ख)मीहिति सिज्झिस्सइ य । मया भणियं-जगबंधु ! के भत्तारं पाविहिइ ? सामिणा आणत्तं --अड्ढभरह-प्पहाणं उत्तम-पुरिसं हरिवंस-कुलुब्भवं राम-केसव-पियरं वसुदेवं भत्तारं पाविहिति । कल्लं च से भरह-ठिईए सयंवरोतरणं होहिति । तं चिय देवयावयण-पुव्व-णिहिट्ठ स्वयर-चित्त-पडिदाइय-रूवं वरेहिति ।
तो हं चरिम-सरीर त्ति य सोऊणं सुटुअरं से बद्ध-सिणेहो जाओ । तत्थ य ममं सामाणिय देवा भणंति- किमेयं उत्तम-पुरिसत्तणं ? ति । मया भणिया---सुणह, उत्तिम-पुरिसा सत्तिया, अविसा इणो, मणिग्गय-रहस्मा, गंभीरा, अपराइयां, बहुं सहति, थोआओ वि दाणं पयच्छंति, अणलिय-वाइणो, पीलं सहंति, पर ण पीलेंति, पराणुवत्ति-करणुज्जया, समर-सयल-लद्व-लक्खा, 'ति(१ते)यस्सिणो, सरणागय-वच्छ ठा, जहा-संदिट्ठ वयण-संपायगा, कयण्णुमा,
१. धम्म वाविरामे खं० ।। २. अदो मो० ॥ ३. भुत्तस्स खं० मो० विना ॥ ४. आवि० ख० ॥ ५. मिय० मो ॥
३३
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |