Page Text
________________
पण्णरसमो कणगवई-लंभो
२२१ गवदीए सगासं । तं च भणाहि, सुंदरि ! वेसमणो तिलोगपालो आणवेदि, तुम किर पिदुणा दिण्ण-सयंवरा सच्छंदा इदाणिं, तेण तयं भणामि । तुम चिय 'भण्ण(!जाणा)सि, किं तेण मणुय-मेल्जि-मज्झे रंगावतारेणं ! घर-द्विदा चेव ममं वरेहि ति सब-मणुय-विज्जाघर-सुरगण-लोगस्स य सामिणी होहिसि । एवं भणिदूण णिउणं पडिवयणं तीय मम णिवेदेहि त्ति ।।
तदो मया भणिदो-देव ! जाणवेध, वच्चामि । किंतु विण्णवेमि भे, सा कण्णगा सज्ज-वट्टमाण-वारेज्ज-कोदुगा, अभंतरोवट्ठाण-ठिदा, वण्ण-पासाय-गदा, महदि-राय-कुलंतेउर-मज्झ-गदा, मम अविण्णाद-कुलसोलस्स अणुइद-दंसणस्स य दुल्लभ-दसणा होहिदि । तं आणवेंतु सामिपादा किध सा मया दट्ठव्व ? त्ति । तेण भणिदं-बच्चाहि तुमं वीसत्थो, ण तुमं केणइ वारिज्जीहिसि मम पसादेणं, दच्छिसि य सुहेणं । सा संपदं एगागिणो पमदवण-पासाद-गदा कदमंडणा अच्छदि ।
तदो हं तं वयणं पूययंतो तदो विणिग्गदो, गदो य णिययावासं । तत्थ य मे विसज्जिदं जघा-परिहिदं वत्थालंकार-मंडणं, अण्णाणि य मे परिमलिणाई अंबराइं परिहिदाई । ताणि य परिहेदूं लहुं पद्विदो । दिद्वो य मि तारिस-वेसो वञ्चमाणो धणदेणं । तदो तेण पुणरवि सदावेदु भणिदो हं-भो रायपुत्त ! सव्वो वि ताव दूतो अवेच्च(?) उज्जल-वेसाभरणो कोरदि, तुमे पुण कीस मलिणो वेसो कदो ! मया भणिदं—देव ! वत्थु पप्प मलिणो उज्जलो वा वेसो कोरति त्ति । मया एव भणिदेण सविम्हयं पाडिदा सामाणिएसु दिट्ठी । भणिदो य मि तेण-वच्चाहि लहुं, एवं णाम त्ति ।
ततो हं तं किंपि विड-कवड-णाडग-पयोगमिव मण्णंतो संपट्टिदो पेच्छंतो णगरं सुरलोग-सरिस-घरो[व]वण-संकुलं मुइद-जण-समाउलं सदा-रम्मं । संपत्तो य मि हय-गय-रध-जोध-पवर-करणादि-संकुल-लोग-मंडलं सक-विमाणंगणं पिव णरपदि-भवणंगण-द्दारं । तं च पविसिदं पयत्तो हं परम-गंभीर-रयण-सिरिसालभंजिया-कट्ठकम्म-मणिकोटिमुज्जल-चित्तकम्म-णिम्माद-णिबंधं बहु-दिवस-वण्णणिज्ज । पेच्छामि य विविध जंबुल्ल(?मंजुल)-गोद-वाइद-णिग्धोसं महा-समुदकुच्छि-भूदं मंदर-कंदरा-समाणं । ण य मे कोइ तत्थ पविसमाणं णिवारयदि । चिंतिदं
१. भिण्णसि मो० ॥२. तो स्त्रं. मो० ।। ३. अणुविद मो० ॥४. हतो अविच्च वै० मो० विना ।। ५. करणरणरणारिसंकुला मो० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |