Page Text
________________
वसुदेवहिंडो-मज्झिमखंडे
अस्थि दभाला ( ? ) ए जणवए पेढालपुरं नाम नगरं । तत्थ य हरिचंदो णाम राया । तस्स पुहवीए देवीए अत्तिया कण्णा कणगावई णाम, जा कैण्णगा सई विव देवया, सिरी विव सव्व-जिय- लोग-वल्लहा, वसंत लच्छी विव रमणिज्जा, ससी विवसव्य-गुण-समन्निया, बाल-मियंक - कला विव सव्व जण-लोअणाणंदकारिणी, सुसाहु-सोलं पिव "विउल-कल्लाण- फलदा । तस्स य णगरस्स बाहिं चंपगवणे उज्जा-णे परिसंठियस्स सुव्वय - अणगारस्स परम-सुक्क - ज्झाइणो केवल गाणं समुप्पण्णं । साय तत्थ रण्णो अंतेउरेहिं सह वंदि ( द ) या णिज्जाया । तत्थ य किह वि संपत्तीए बहवे वेयड्ढ - वासिणो विज्जाहर णरिंदा वंदया पत्ता । तेहिं य सा तत्थ दिट्ठा । तमो तीए रूव-गुण-विम्बिय-मणा पेच्छंता णेव तिप्पिया, णिव्वत्तिय केवलिंमंदे पडिगया सहाणाई | चिंतेंति य बहवो विज्जाहर-राइणो 'हरेज्जामो तं कण्णगं ।' पुणो य चितेति साणुकंपा 'अइ- सुद्ध-सहावा कयाई रहसविस्वत्ता भएण जीयं परिचएज्जा । तओ महंतो हु अम्ह संतावो हवेज्ज' त्ति कर्याणिच्छ[य] विहरणे पुणो ते सिढिकायरा होति । वित्थरिओ य से महिगो भरेसु खयरेसु अ जसो । सा य एत्थ आसाढ मासं सुक्क पक्ख-पंचमीए पुन - फरगुणिजोग - जुत्त-मियंके सयंवरा भवतरिहीति । तत्थ बहवे विज्जाहर-रायाणो सण्णेज्झ दार्हिति । सा य तुह राया (रुवा) गुरुवाति, एस परमत्थो । जहा तुमे अम्ह जिवियं देतेणं पियंकयं, तह अहमवि सत्तीए पयईहामि त्ति तुह कब्जे पयट्टेउ तहा हं तीं ( तं) करेमि जहा सा सयंवर काळे तुम्भेहि वरइति । भांति यदेव ! वच्चामो, विसज्जेह मो । तओ ते मयाणुष्णाया उप्पइडं असणं गया । गएसु अ तेसु अहं सरं समवगाढो । तत्थ य गंभीरं कोट्टुभग-तरकं महंतुं मजिम हं । सोअल-दो (१पी) य-सलिलो य समुत्तिणो असोग - हेट्ठा परिसंठियों हं । पेच्छामि य तत्थ "तीरय-ठिओ महंतं हव्थिं । सो वियंभाइउं पयत्तो । वियंभायमाणस्स य से मुहाओ, घण-विवराओ विव सोदामणी नहा, विणिग्गया दिव्य रूविणी कण्णा । चितेमि य ण एत्तो अण्णं लट्ठयरयं रूवं अस्थि । एवं च तं कण्णयं पेच्छामि । सो य कुंजरो पसारियग्ग- हत्थो वीसत्थो पत्तो । सा वि य तत्थ एगागिणी वि परम-वीसत्था महा-कमलाणं समुच्चयं काउं समुत्तिणा सराओ । सर-तीरे य तत्थ सा किंपि इट्ठ-देवयं कमलेषु अच्चिणित्ता पणया तस्स भत्तीए । चिंतेमि य तं देवयं जं एसा कमल-पत्त-लोअणा पणमइ ति । दिट्टं च
१. कणगावई खं०मो० ॥ २. रिउल खं ० मो० विना ॥ ४. कोहु भगन्तरकं खं० ॥
५. तीरेयहिओ खं० मो० विना
For Private & Personal Use Only
Jain Education International
॥
३. वे खं० । वि मो० ॥
६. ०मायस्स मो० विना ॥
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |